-
ބީޓީއެސްގެ ޖަންގްކޫކްގެ ސޯލޯ ޑޮކިއުމެންޓްރީ "އައި އޭމް ސްޓިލް" ގައި ދައްކާފައިވާ އޭނާގެ ކުޑައިރުގެ ފޮޓޯތައް ފޭނުންގެ މެދުގައި ވަރަށް ބޮޑަށް ވައިރަލްވެއްޖެއެވެ.
ސެޕްޓެމްބަރު 18 ވަނަ ދުވަހު ޖަންގްކޫކް ގެ އަލަށް ރިލީޒްކުރި ސޯލޯ ޑޮކިއުމެންޓްރީ، "ޖަންގް ކޫކް: އައި އޭމް ސްޓިލް" އިން ކުޑައިރުގެ ގިނަ ފޮޓޯތަކެއް ވަނީ ހިއްސާކޮށްފައިއެވެ. ގިނަ ބަޔަކު އުންމީދުކުރި މި ޕްރޮޖެކްޓް ދުނިޔޭގެ ސިނަމާތަކުގައި ޕްރިމިއާކޮށް، އޭނާގެ ފުރަތަމަ ސޯލޯ އަލްބަމް "ގޯލްޑެން" ގެ ފަހަތުގައި ވާ ކްރިއޭޓިވް ޕްރޮސެސް ދައްކުވައިދިނުމުގެ އިތުރުން އާޓިސްޓެއްގެ ހައިސިއްޔަތުން އޭނާގެ ޝަހުސިއްޔަތާ ބެހޭ ގިނަ މައުލޫމާތުވެސް ވަނީ ފެނިގެންގޮސްފައިއެވެ.
މި ޑޮކިއުމެންޓްރީގައި ޖަންގްކޫކްގެ ލައިވް ޕާފޯމަންސްތަކާއި ސްޓޫޑިއޯގެ ތައްޔާރީތަކުގެ ކްލިޕްތަކުގެ އިތުރުން ރެކޯޑިން ސެޝަންތަކުގެ ފަރުދާގެ ފުރަގަހުގެ މަންޒަރުތައް ވެސް ވަނީ ފެނިގެންގޮސްފައިއެވެ.
ޖަންގްކޫކްގެ ފޮޓޯތަކުން އޭނާގެ އުޖާލާ ހިނިތުންވުން ދައްކުވައިދޭއިރު، ބައެއް ފޮޓޯތަކުން ފެންނަނީ މާ އިމޯޝަނަލް ސައިޑެކެވެ. މި ފޮޓޯތައް ސޯޝަލް މީޑިއާގައި ވައިރަލްވުމާ އެކު ފޭނުން ވަނީ އެ ފޮޓޯތައް ވަރަށް ޝައުގުވެރިކަމާ އެކު ޝެއަރކޮށްފައިއެވެ. އަދި އޭނާ އެންމެ ކުޑައިރުން ފެށިގެންގޮސް މިއަދާ ހަމައަށް އޭނާ ބަދަލުވެފައި ވަނީ ކިހާ ކުޑަ މިންވަރަކަށްތޯ ވެސް ގިނަ ސަޕޯޓަރުން ވަނީ ކޮމެންޓްކޮށްފަ އެވެ.
އަށް މަސް ދުވަހަށް ވުރެ ގިނަ ދުވަސް ވަންދެން ޝޫޓްކޮށްފައިވާ "ޖަންގް ކޫކް: އައި އޭމް ސްޓިލް ސްޓިލް" އަކީ ޖަންގްކޫކްގެ ކްރިއޭޓިވް ޕްރޮސެސް އާއި އޭނާގެ ފުރަތަމަ ސޯލޯ އަލްބަމް "ގޯލްޑަން" ކްރާފްޓް ކުރުމުގައި ކުރިމަތިވި އިމޯޝަނަލް ޕްރޮސެސްގެ އިންޓިމޭޓް ބިހައިންޑް ދަ ސީން ލުކެއް ގެނެސްދޭ ޑޮކިޔުމެންޓްރީއެެކެެވެ. މި ޑޮކިއުމެންޓްރީގައި އާޓިސްޓެއްގެ ހައިސިއްޔަތުން އޭނާ ކުރިއަރަމުންޓަކައި ކުރާ މަސައްކަތް ދައްކުވައިދެ އެވެ.
މި ޑޮކިޔުމަންޓްރީގެ ޓިކެޓް ދޫކުރުން އޮގަސްޓް މަހުގެ 21 ވަނަ ދުވަހު ހުޅުވާލާފައިވާއިރު ސެޕްޓެމްބަރު 18 ގައި ދުނިޔޭގެ އެކި ކަންކޮޅުތަކުގައި ސްކްރީނިންތައް ވަނީ ފަށާފައި އެވެ.
ތިރީގައި ވާ ލިންކުން ޑޮކިޔުމަންޓްރީގެ ޓްރެއިލާ ބަލާލާށެވެ.
ފަހުގެ
