ހުޅުމާލެ ފޭސް 2 ގައި ނުރައްކާތެރި އެކްސިޑެންޓެއް, އަންހެނަކަށް ހޮސްޕިޓަލުގައި ފަރުވާދެނީ

ހުޅުމާލޭ ފޭސް 2 ގައި ނުރައްކާތެރި އެކްސިޑެންޓެއް ހިނގައިފި އެވެ.

ފުލުހުންގެ މީޑިއާ އޮފިޝަލް ވިދާޅުވީ ހުޅުމާލެ ފޭސް 2 ގައި ޕިކަޕަކާއި ސައިކަލެއް ޖެހި އެކްސިޑެންޓެއް ހިނގައިގެން އުޅޭ ކަމުގެ މައުލޫމާތު ލިބިގެން ސީންގައި ފުލުހުން ގެންދަނީ ހަރަކާތްތެރިވަމުން ކަމަށެވެ.

އެގޮތުން މި އެކްސިޑެންޓުގައި ސައިކަލު ދުއްވަން އިން މީހާއަށް ނިޔާވެގެން ހުޅުމާލެ ހޮސްޕިޓަލަށް ގެންގޮސްފައިވާ ކަމަށް އޮފިޝަލް ވިދާޅުވިއެވެ. އޮފިޝަލް ވިދާޅުވީ ފަރުވާ ދެމުން ދަނީ ދިވެހި އަންހެނަކަށް ކަމަށެވެ.

މައުލޫމާތު ލިބިފައިވާ ގޮތުގައި މި އެކްސިޑެންޓު ހިނގާފައިވަނީ ފޭސް 2 ގައި ހުންނަ އެސްޓީއޯ ފްލެޓުތައް ކައިރީގައި އެވެ.

މާލެ ސަރަހައްދުގައި އެކްސިޑެންޓުތައް މި ދުވަސްވަރު ގިނަ ވެފައިވުމާއި ގުޅިގެން ކަމަބެހޭ ފަރާތްތަކުން ދަނީ ޚާއްސަ ފިޔަވަޅުތަކެއް އަޅަމުންނެވެ.