--
ހޯމްލޭންޑް މިނިސްޓަރު އަލީ އިހްސާންގެ ސެކިއުރިޓީ ބެލެހެއްޓުމުގެ ކަންކަމާއި ސިފައިން ހަވާލުވެއްޖެ އެވެ.
އިހްސާންގެ ސެކިއުރިޓީއާއި ސިފައިން ހަވާލުވިކަން މިއަދު ހޯމްލޭންޑް މިނިސްޓްރީންވެސް ވަނީ ގާފު ނޫހަށް ކަށަވަރުކޮށްދީފައި އެވެ.
އެގޮތުން ހޯމް މިނިސްޓްރީން ބުނީ ސިފައިން އިހްސާންއަށް ސެކިއުރިޓީ ދޭން ފަށާފައިވަނި މިމަހުގެ 11 ވަނަ ދުވަހުން ފެށިގެން ކަމަށާއި އެ ނިންމުން ނިންމާފައިވަނީ ތްރެޓް އެސެސްމެންޓަކަށް ފަހުގައި ކަމަށެވެ. އަދި އެ އެސެސްމެންޓުގައި މިނިސްޓަރު އިހްސާނަށް ތްރެޓް ލެވަލަ ހައިކަން ފާހަގަކޮށްފައިވާކަންވެސް މިނިސްޓްރީން ބުނެއެވެ.
ނަމަވެސް އެކަމުގެ ސީދާ ސަބަބެއް މިނިސްޓްރީން ހާމައެއް ނުކުރެއެވެ.
ޑިފެންސް މިނިސްޓަރު ފިޔަވައި އެހެނިހެން ހުރިހާ ކެބިނެޓު މިނިސްޓަރުންނަށް ސެކިއުރިޓީ ދެމުން އަންނަނީ ފުލުހުންނެވެ. ނަމަވެސް ތްރެޓް އެސެސްމެންޓުތަކާއި އެކު މީގެ ކުރިންވެސް ބައެއް މިނިސްޓަރުންނަށް ސިފައިން ވަނީ ސެކިއުރިޓީ ފޯރުކޮށްދީފައި އެވެ.
ރާއްޖޭގެ ދާހިލީ ކަންކަން ހަމަމަގަށް އެޅުވުމަށްޓަކައި މިނިސްޓްރ އިހްސާން އިސްވެ ހުންނަވައި މިނިސްޓްރީގެ ދަށުގައި ތިބި މުވައްސަސާތަކުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ވަކީން ހާއްސަކޮށް ރާއްޖޭގައި ގާވާއިދާ ހިލާފަށް އުޅޭ ބިދޭސީން ހޯދުމަށް ރާއްޖޭގައި ފުރަތަމަ ފަހަރަށް ބިޔަ ބޮޑު އޮޕަރޭޝަނެއް މިނިސްޓަރު އިހްސާންގެ ބެއްލެވުމުގެ ދަށުން ކަމާބެހޭ ފަރާތްތަކުން ވަނީ ފަށާފައި އެވެ.
އަދި ރާއްޖޭގައި ކުށް މަދުކުރުމަށްވެސް ގިނަ މަސައްކަތްތަކެއް އެމިނިސްޓްރީން އަންނަނީ ކުރަމުންނެވެ.
ފަހުގެ
