އިމާމުންގެ ޤުރުއާން ކިޔެވުމުގެ ފެންވަރު ރަނގަޅުކުރުމަށް ޙާއްސަ ޕްރޮގުރާމެއް ފަށައިފި
އަހުމަދު ޝުރާއު
9/13/2024, 11:12:09 AM
--
އިމާމުންގެ ޤުރުއާން ކިޔެވުމުގެ ފެންވަރު ރަނގަޅުކުރުމަށް ޚާއްސަ ޕްރޮގްރާމެއް ފަށައިފި އެވެ.
އިސްލާމީ ކަންތައްތަކާއި ބެހޭ ވުޒާރާއިން ބުނީ އިމާމުންގެ ޤުރުއާން ކިޔެވުމުގެ ފެންވަރު ރަނގަޅުކުރުމަށްޓަކައި 'ތަޙްސީނުއްތިލާވާ'ގެ ނަމުގައި ހާއްސަ ޕްރޮގުރާމެއް އިއްޔެ ފަށާފައިވާ ކަމަށެވެ.
މާލެ ސަރަހައްދުގެ އިމާމުންނަށް ހުޅުވާލައިގެން ފެށި މި ޕްރޮގުރާމުގައި 17 އިމާމުން ބައިވެރިވެފައިވާއިރު، ޕްރޮގުރާމު ކުރިއަށް ގެންދިއުމަށް ހަމަޖެހިފައިވަނީ 3 ހަފްތާގެ މުއްދަތަށެވެ.
މި ޕްރޮގުރާމުގައި ކިޔަވައިދެއްވަނީ ފުންނާބު އުސް ދެ ބޭފުޅުންކަމަށްވާ އަލްޤާރީ މުޙައްމަދު އަސްލަމްއާއި އައްޝައިޚް ނަސްރުﷲ ޢަލީއެވެ.
މިއީ ކީރިތި ޤުރުއާނާއި ބެހޭ މަރުކަޒުން އިސްނަގައިގެން ކުރިއަށް ގެންދާ ޕްރޮގްރާމެކެވެ.