ސަސްޕެންޝަނުގައި ތިބި ޝިއުނާއާއި މަލްޝާ ޑެޕިއުޓީ މިނިސްޓަރުކަމުން އިސްތިއުފާދީފި
އަހުމަދު ޝުރާއު
9/10/2024, 8:01:08 AM
--
އަވަށްޓެރި އިންޑިއާއަށް މީސް މީޑިއާގައި ފާޑުކިޔުމާއި ގުޅިގެން ސަސްޕެންޑު ކުރި ޔޫތު މިނިސްޓްރީގެ ޑެޕިއުޓީ މިނިސްޓަރުން ކަމަށްވާ މަރިޔަމް ޝިއުނާ އާއި މަލްޝާ ޝަރީފް މަގާމުން އިސްތިއުފާ ދީފިއެވެ.
ޝިއުނާއާއި މަލްޝާ މަގާމުން އިސްތިއުފާ ދިންކަން ރާއްޖޭގެ ބައެއް ނޫސްތަކަށް އެދެފަރާތުން ވެސް ވަނީ ކަށަވަރުކޮށްދީފައި އެވެ. އެގޮތުން އެދެމީހުންވެސް އިސްތިއުފާ ދިނީ މިއަދުގެ ވަގުތެއްގައި އެވެ.
ނަމަވެސް މަގާމުން އިސްތިއުފާ ދިން ސަބަބެއް ހާމައެއް ނުކުރެއެވެ.
މި ދެ ޑެޕިއުޓީ މިނިސްޓަރުން މަގާމުން ސަސްޕެންޑު ކޮށްފައިވަނީ މިދިޔަ ޖެނުއަރީ މަހު އިންޑިއާ އިން ލަކްޝަދީޕްގެ ޓޫރިޒަމް ފުޅާކުރުމަށް ނިންމުމާ އެކު ސޯޝަލް މީޑިއާގައި ކުރި ޓްވީޓުތަކެއްގެ މައްސަލައިގައެވެ.
ލަކްޝަދީޕުގެ ޓޫރިޒަމް ޕްރޮމޯޓްކުރައްވައި އިންޑިއާގެ ބޮޑު ވަޒީރު ނަރެންދްރަ މޯދީ އާންމު ކުރެއްވި ވީޑިއޯއަކާ ގުޅިގެން މޯދީ އަށް އިހްތިރާމް ކުޑަކޮށް، އެ މީހުން ވަނީ މޯދީގެ ޕޯސްޓަށް ފާޑުކިޔާފައެވެ.
އިތުރު ތަފްސީލް އަންނަނީ ..