ސަރުކާރު ހިއްސާވާ ކުންފުނިތަކުން ހަރަދުތައް ކުޑަކުރުމަށް ޚާއްސަ ފިޔަވަޅުތަކެއް އެޅުމަށް އަންގައިފި

ދައުލަތުގެ ވިޔަފާރިކުރާ ތަންތަނާއި ސަރުކާރު ހިއްސާވާ ކުންފުނިތަކާއި އެ ކުންފުނިތަކުގެ ސަބްސިޑިއަރީ ކުންފުނިތަކުގެ ޚަރަދު ކުޑަކުރުމުގެ ގޮތުން ފިޔަވަޅުތައް އެޅުއްވުމަށް އެކުންފުނިތަކަށް ޕްރައިވަޓައިޒޭޝަން އެންޑް ކޯޕަރައިޒޭޝަން ބޯޑުން އަންގައިފި އެވެ.

ޕީސީބީއިން މިއަދު ވަނީ މިކަމާއި ގުޅިގެން ޚާއްސަ ސާކިއުލާއެއް ނެރެފައި އެވެ.

ސާކިއުލާގައި ބުނެފައިވަނީ ދިވެހިރާއްޖެއަށް ކުރިމަތިވެފައިވާ އިޤްތިސާދީ އަދި މާލީ ހާލަތުން އަރައިގަތުމަށްޓަކައި ރައީސުލްޖުމްހޫރިއްޔާގެ އިސްނެންގެވުމު ގެ މަތިން ދައުލަތުގެ ޚަރަދުތައް ހަމަމަގަށް އެޅުވުމަށް ގިނަގުނަ ފިޔަވަޅު ތަކެއް ދަނީ އަޅުއްވަމުން ކަމަށެވެ.

އަދ މި ދަނޑިވަޅުގައި ސަރުކާރުން ހަމަމަގަށް އެޅުއްވުމަށް ކުރައްވަމުންގެންދަވާ މަސައްކަތަށް އެއްބާރުލުން ދިނުމުގެގޮތުންނާއ،ި ރާއްޖެއަށް ކުރިމަތިވެފައިވާ މާލީ ހާލަތު ކުރިއެރުވުމަށްޓަކައި ދައުލަތުގެ ވިޔަފާރި ތަންތަނުގެ ޚަރަދު ވީހާވެސް ކުޑަކުރުމަކީ ވަރަށް މުހިންމު ކަމެއް ކަމަށާއި މިގޮތުން, މިއަދުން ފެށިގެން ސަރުކާރުގެ ވިޔަފާރި ތަންތަނާއި ސަރުކާރު ހިއްސާވާ ކުންފުނިތަކާއި އެކުންފުނުތަކުގެ ސަބްސިޑިއަރީ ކުންފުނުތަކުގެ ހަރަދުތައް ކުޑަކުުރުމަށް ޚާއްސަ ފިޔަވަޅުތަކެއް އެޅުމަށް ވަނީ ނިންމާފައިކަން ޕީސީބީގެ ސާކިއުލާގައި ވަނީ ބުނެފައި އެވެ.

ދަތުރު ޚަރަދު

1. ރާއްޖެއިން ބޭރަށާއ،ި އަތޮޅުތެރެއަށް ކޮންމެހެން ކުރންޖެހޭ ރަސްމީ ދަތުރުތައް ފިޔަވައި އެހެން ދަތުރުތައް ކުރުން މިވަގުތައް ހުއްޓާލުން
2. ރާއްޖެއިންބޭރަށް ކުރާ ދަތުރުތައް މަދުކޮށް ބައިނަލަގްވާމީ ކަސްޓަމަރުންނާއި ސަޕްލަޔަރުނާއި އޮންލައިންކޮށް ބައްދަލުކރުުން
3. ރާއްޖެއިން ބޭރަށް ކޮންމެހެން ކުރަން ޖެހޭ ދަތުރުތަކުގެ ދިގުމިން 6 ގަޑިއިރަށްވުެ ގިގު ވާނަމަ ފަސްޓު ކްލާހުގައި ދަތުރުނުކުރުން
4. ދަތުރުތަކުގެ ހުރިހާ ހަރަދެއް ބޭރުގެ ފަރާތްތަކުން ދޭ ދަތުރުތަކައި ކުންފުނިތަކުން ކުރާ ހަރަދު ވީހާވެސް ކުޑަކުރުން
5. ފެރީގެ ހިދުކަތް ލިބޭ ސަރަހައްދުތަކުގައި ކުރަން ޖެހޭ ދަތުރުތައް ފެރީ މެދުވެރިކޮށް ކުރުން
6. އަތޮޅުތެރެއަށް ކުރާ ރަސްމީ ދަތުރުތަކުގައި ކެއުމާއި ހުރުމުގެ ހަރަދު އެންމެ ކުޑަވާނެ ގިތަކަށް ދަތުރުގެ އިންތިޒާމުތައް ހަމަޖެއްސުން
7. ކުންފުންޏަށް ސީދާގޮތުން ފަައިދާ ބޭރުގެ މަހާސިންތާތަކާއި ފެއާތަކުގައި ނޫނީ ބައިވެރިނުވުން

މުވައްޒަފުންގެ ޚަރަދު

1. ކުންފުނިތަކުން މިހާރު ފާސްކޮށްފައިވާ އިދާރީ އޮނިގަނޑުގައި ހިމެނޭ މަގާމެއް ކަމުގައި ވީނަމަވެސް ކުންފުނީގެ އޮޕަރޭޝަން ނިންގުމަށް ކޮންމެހެން ނަގަންޖެގޭ މުވައްޒަފުން ފިޔަވައި އިތުރަށް މުވައްޒަފުން އެމަގާމުތަކަށް ނުނެގުން
2. މި ބޯޑުގެ ހުއްދަައާއިއެކުގައި މެނުނީ މުވައްޒަފުންގެ މުސާރައާއި އިނާޔަތްތަކަށް ބަދަލު އަންނާނެ ފަދަ އެއްވެސް ބަދަލެއް ނުގެނައުން
3. ރަސްމީގަޑީގައި މަސައްކަތްތައް ނިންމޭނެގޮތަކަށް ކުންފުނީގެ މަސައްކަތްތައް ރޭވުމާއި ރަސްމީ ގަޑީގެ ބޭރުން ކޮންމެހެން ކުރަންޖެގޭ މަސައްކަތެއް ކުރުމަށް މެނުވީ އިތުރު ގަޑީގައި މަސައްކަތް ނުކުރުން,
4. ދައުލަތުގެ ވިޔަފާރި ތަންތަނުގެ ތެރެއިން ޑޮލަރުން އާމްދަނީ ލިބޭ ތަންތަން ޑޮލަރުން މުސާރައާއި އިނާޔަތް ދިނުން ހުއްޓާލުން
5. ތަމްރީންތައް ހިންގުމުގައި ކުންފުނީގެ ކަމާގުޅޭ މުވައްޒަފުން ބޭނުންކުރުމާއި ރާއްޖޭގައި ލިބެންހުރި ވަސީލަތްތައް ބޭނުންކުރުން
6. ކޮންމެހެން މިވަގުތަށް ކުރަންޖެހޭ މަސައްކަތެއް ނޫނީ އެހެން މަސައްކަތްތައް އައުޓްސޯސް ކޮށްގެން ނުކުރުން
7. ޑިޕާޓްމަންޓްތަކުގެ މަސައްކަތަށް ބަލައި މުވައްޒަފުން އިތުރު ވާނަމަ ނުވަތަ އައިޑަލްޓައިމް ގިނަވާނަމަ އެފަދަ މުވައްޒަފުން ކުންފުނިން ކޮންމެހެން ފަށަންޖެހޭ ޕްރޮޖެކްޓުތަކާއި ކުރިއަށްދާ ޕްރޮޖެކްޓުތަކުގައި ބޭނުންކުރުން

އެހެނިހެން ޚަރަދު

1. ކުންފުނިން ހިންގިމުމަށް އިއާދަކުރަނިވި ހަކަތަ ބޭނުންކުރެވެން ހުރި ނަމަ ވީ އެންމެ ފުޅާކޮށް އެކަންކުރުން އަދި ކަރަންޓުގެ ހަރަދު ކުޑަކުރުން
2. ކަރުދާހާއި ސްޓޭޝަނަރީސްއަށް ކުރާ ހަރަދު ކުޑަކޮށް މުއާމަލާތްތައް ޑިޖިޓަލްކުރުން
3. އިވެންޓުތައް ބޭއްވުމުގައި ވަސީލަތްތައް ހުރި ކުންފުނިތަކުން އެހެން ކުންފުނިތަކަށް ވަސީލަތްތައް ހިއްސާކުރުން
4. އިވެންޓުތަކުގެ ރިޕްރެޝްމަންޓްތަކަށް ކުރާ ހަރަދު ވީހާވެސް ކުޑަކުރުން
5. ކުންފުނީގެ އެނުއަލް ޕްރޮކިއުމަންޓު ޕްލޭނާއި ބަޖެޓާއި އެއްގޮތަށް ޕްރޮކިއުެންޓުތައް ހިންގުން
6. ކޮންސިއުމަބަލް ގަތުމުގައި ކޮންމެހެން ބޭނުންވާވަރަށް ގަތުން
7. ސީއެސްއާރް އަދި ސްޕޮންސަޝިޕަށް ކުރާ ހަރަދު މަދުކުރުން
8. ފާސްކޮށްފައިވާ އަހަރީ ބަޖެޓުގައި ހިމަނާފައިވާ ކަންކަމުގެ ތެރެއިންވެސް ކޮންމެހެން ކުރަންޖެހޭ ކަންކަން ފިޔަވައި އިތުރު ހަރަދުތައް މިވަގުތައް ކުރުމާއި އިސްރާފު ކުޑަކުރެވޭނެހެން މަސައްކަތްތައް ރޭވުން