މަރާމާތަށް ބަންދުކޮށްފައި ހުރި އީދު މިސްކިތުން ވައްކަންކޮށްފި
އަހުމަދު ޝުރާއު
8/28/2024, 7:35:39 AM
--
މާލެ އީދު މިސްކިތް މަރާމަތަށް ބަންދުކޮށްފައި ވަނިކޮށް ވައްކަން ކޮށްފިއެވެ.
މާލެ ސިޓީ ކައުންސިލުން ބުނީ އީދު މިސްކިތް މަރާމާތަށް ބަނދުކޮށްފައި ވަނިކޮށް ރޭ 6:00 އާއި 22:00 އާއި ދެމެދު ވަގުތެއްގައި މިސްކިތުން ވައްކަން ކޮށްފައި ވާކަމަށެވެ.
މިސްކިތުން ވަގަށް ނަގާފައިވާ ތަކެތީގެ ތެރޭގައި 13 ބޮކި އަދި 8 ފަންކާގެ ނަރުތައް ހިމެނޭކަމަށް ކައުންސިލުން ވަނީ ބުނެފައެވެ. މިއާއިއެކު މި މައްސަލަ ފުލުހަށް ހުށަހަޅާފައިވާ ކަމަށްވެސް ސިޓީ ކައުންސިލުން ބުނެއެވެ.
މި މައްސަލައާއި ގުޅިގެން ފުލުހުންގެ މީޑިއާ އޮފިޝަލް ވިދާޅުވީ ރޭގެ ވަގުތެއްގައި އެމައްސަލަ ރިޕޯޓުކޮށްފައިވާ ކަމަށާއި މައްސަލައާ ގުޅިގެން މިހާތަނަށް މީހަކު ހައްޔަރުކޮށްފައިނުވާ ކަމަށެވެ. އަދި މައްސަލަ ތަހުގީގު ކުރަމުން އަންނަ ކަމަށްވެސް މީޑިއާ އޮފިޝަލް ވިދާޅުވިއެވެ.
މީގެ ކުރިންވެސ އީދު މިސްކިތުން ވައްކަންކުރާ މައްސަލަ ފެންމަތިވެފައި ވާއިރު މިދިޔަ ޖޫން މަހު އެކަނިވެސް އެ މިސްކިތުން 11 ފަންކާ ވަގަށް ނަގާފައިވެއެވެ.