މޫސުން އިތުރަށް ގޯސްވެ ފެންބޮޑުވާނެ ކަމަށް ލަފާކޮށް އުތުރުގެ ތިން އަތޮޅަށް އޮރެންޖު އިންޒާރު!

މޫސުން އިތުރަށް ގޯސްވެ ފެންބޮޑުވާނެ ކަމަށް ލަފާކޮށް އުތުރުގެ ތިން އަތޮޅަށް އޮރެންޖު އިންޒާރު ނެރެފި އެވެ.

މޫސުމާބޭހޭ ގައުމީ އިދާރާއިން އޮރެންޖް އިންޒާރު ނެރެފައިވަނީ، ހއ އަތޮޅުން ފެށިގެން ށ އަތޮޅާއި ހަމައަށެވެ. އެގޮތުން އިންޒާރު ނެރެފައިވަނީ މިރޭގެ 22:30 ގެ ނިޔަލަށެވެ.

އެ އިދާރާއިން ބުނީ މި މުއްދަތުގައި އެސަރަހައްދަށް ގުގުރުމާއި އެކު ބޯކޮށް ވާރޭވެހި ފެންބޮޑުވާނެ ކަމަށް ލަފާކުރެވޭ ކަމަށެވެ.

އޮރެންޖު އިންޒާރު ނެރެފައިވާއިރު މީގެ އިރުކޮޅެއް ކުރިން މޫސުމާއި ބެހޭ ގައުމީ އިދާރާއިން ވަނީ އެސަރަހައްދުވެސް ހިމެނޭގޮތަށް ބ އަތޮޅާއި ހަމައަށް ރީނދޫ ސަމާލު ނެރެފައެވެެ. ނަމަވެސް ރީނދޫ ސަމާލު އޮރެންޖު އިންޒާރަށް ބަދަލުކޮށްފައިވަނީ ހއ,ހދ އަދި ށ އަށް އެކަންޏެވެެ. އެހެން ސަރަހައްދުތައް އަދިވެސް އޮތީ ރީނދޫ ސަމާލުގައި އެވެ.

ރާއްޖެއަށް މިހާރު ކުރަމުންދަނީ ހުޅަނގު މޫސުމުގެ ވިއްސާރައެވެ.