ބޮޑުމޮހޮރާގައި ބަގުރާ ވިއްކަމުން ދިޔަ ތިން މީހަކު ހައްޔަރުކޮށްފި

ވ ބޮޑުމޮހޮރާގައި ބަނގުރާ ގެންގުޅެ ވިއްކަމުން ދިޔަ މައްސަލައެއްގައި ބަޔަކު ހައްޔަރުކޮށްފި އެވެ.

ފުލުހުންގެ މިޑިއާ އޮފިޝަލް މިއަދު ވިދާޅުވީ ވ ބޮޑުމޮހޮރާގައި ބަނގުރާ ގެންގުޅެ ވިއްކާ ކަމަށް ލިބުނު މައުލޫމަތާއި ގުޅިގެން ފުލުހުންގެ ޑްރަގް އެންފޯސްމެންޓު އާއި އިންޓެލިޖެންސް އަދި ވާވު އަތޮޅު ފުލުހުން ގުޅިގެން މިއަދު ޚާއްސަ އޮޮޕަރޭޝަނެއް ހިންގާފައިވާ ކަމަށެވެ.

އެގޮތުން މި އޮޕަރޭޝަންގައި ތިން މީހަކު ހައްޔަރުކޮށްފައިވާ ކަމަށާއި އޭގެ ތެރޭގައި ބިދޭސީއަކު ހިމެނޭ ކަމަށް މީޑިއާ އޮފިޝަލް ވިދާޅުވިއެވެ.

ހައްޔަރުކުރި މީހުންގެ ވަނަވަރާއި ފޮޓޯވެސް ފުލުހުން ވަނީ އާންމުކޮށްފައެވެ. އެގޮތުން ހައްޔަރުކުރި މީހުންނަނީ މާލެ މ.ލަކްސް ގާޑަން އުމުރުން 43 އަހަރުގެ އަހުމަދު އަޝްރަފް އާއި ގދ ތިނަދޫ ބޫހެވަން އާގެ އުމުރުން 50 އަހަރުގެ އަމްޖަދު މުހައްމަދު އާއި ސްރީލަންކާގެ ރައްޔިތެއް ކަމަށްވާ އުމުރުން 53 އަހަރުގެ ނަލިން އިންޑިކާ އެވެ.

ފުލުހުންގެ މީޑިއާ އޮފިޝަލް ވިދާޅުވީ މި މައްސަލައާއި ގުޅިގެން އެރަށް ބަލާފާސްކުރި އިރު 24 ފުޅި ބަނގުރާ ފެނިފައިވާ ކަމަށެވެ. އަދި މި މައްސަލަ ތަހުގީގު ކުރަމުންދާކަމަށްވެސް މީޑިއާ އޮފިޝަލް ވިދާޅުވިއެވެ.

ވ ބޮޑުމޮހޮރާއަކީ ކާށިދޫ ދާއިރާގެ ކުރީގެ މެމްބަރު އަދި މަޝްހޫރު ވިޔަފާރިވެރިޔާ އަބްދުالله ޖާބިރުއަށް ރިސޯޓު ތަރައްޤީކުރުމަށް ސަރުކާރުން ދޫކޮށްފައިވާ ރަށެކެވެ.