މޯލްޑިވިއަން އިން ބަންގްލަދޭޝް އަށް ކުރަމުން އައި ދަތުރުތައް މެދުކަނޑާލައިފި

މޯލްޑިވިއަން އިން ބަންގްލަދޭޝް އަށް ކުރަމުން އައި ދަތުރުތައް ވަގުތީގޮތުން މެދުކަނޑާލައިފި އެވެ.

މޯލްޑިވިއަން އިން ބުނީ, 6 އޮގަސްޓުން ފެށިގެން ޑާކާ ދަތުރުތައް ވަގުތީގޮތުން މެދުކަނޑާލާފައިވާކަމަށާއި، އަދި އަލުން ދަތުރުތައް ފަށާނެ ތާރީހެއް ފަހުން އާއްމުކުރާނެ ކަމަށެވެ.

މޯލްޑިވިއަން އިން ބުނެފައިވާގޮތުގައި މި ދަތުރުތައް މެދުކަނޑާލީ, ބަންގްލަދޭޝްގައި މިވަގުތު ހިނގަމުންދާ ހަމަނުޖެހުންތަކާއި ގުޅިގެންނެވެ. މި ހަމަނުޖެހުންތަކުގައި އެގައުމުގެ ބޮޑުވަޒީރު ޝެއިހް ހަސީނާ ވަނީ އިސްތިއުފާ ދެއްވައި އެގައުމު ދޫކޮށް ވަޑައިގެންފައެވެ. އަދި ބަންގްލަދޭޝްގައި މިހާރު ވަގުތީ ސަރުކާރެއް އެކުލައިވައިލުމުގެ މަސައްކަތް ކުރަމުން އަންނަ ކަމަށް އެގައުމުގެ މިލިޓަރީ ޗީފް ވަނީ އިއްޔެ ވިދާޅުވެފައެވެ.

ދަތުރުތައް މެދުކަނޑާލުމާ ހަމައަށް މޯލްޑިވިއަން އިން ދިޔައީ ބަންގްލަދޭޝް އަށް ޝެޑިއުލް ދަތުރުތައް ކުރަމުންނެވެ.