އެމްއެންޑީއެފްގެ ޝަރަފުގެ ހިނގާލުން އޮންނާނީ އަންނަ ހުކުރު ދުވަހު

މިނިވަން ދުވަހާ ގުޅިގެން މޯލްޑިވްސް ނެޝަނަލް ޑިފެންސް ފޯސް، އެމްއެންޑީއެފުން މިއަދު ބާއްވަން ތާވަލުކުރި "ޝަރަފުގެ ހިނގާލުން" އަންނަ ހަފުތާގެ ހުކުރު ދުވަހު ބޭއްވުމަށް ނިންމައިފި އެވެ.

އެމްއެންޑީއެފުން މިއަދު ބާއްވަން ތާވަލު ކުރި ޝަރަފުގެ ހިނގާލުން ފަސްކުރަން ނިންމީ މޫސުން ގޯސްވުމާއި ގުޅިގެންނެވެ.

އެކްސްގައި ހިއްސާކުރި ޕޯސްޓެއްގައި އެމްއެންޑީއެފުން ބުނެފައިވަނީ ޝަރަފްގެ ހިނގާލުން 2 އޯގަސްޓްވާ ހުކުރު ދުވަހުގެ ހަވީރު ބާއްވާގޮތަށް މިހާރު ހަމަޖެހިފައިވާ ކަމަށެވެ.

މޫސުން ތަން ނުދިނުމުގެ ސަބަބުން މިނިވަން ދުވަހުގެ ދިދަ ނެގުމުގެ ރަސްމިއްޔާތުވެސް މިއަދު ބާއްވާފައެއް ނުވެއެވެ. ނަމަވެސް މިނިވަންދުވަހުގެ ރަސްމީ ޖަލްސާ މިރޭ ސޯޝަލް ސެންޓަރުގައި ބޭއްވުމަށް ވަނީ ނިންމާފައެވެ.