މޯލްޑިވިއަންގެ ޑިސްޓްރިބިއުޝަން ނެޓްވޯކް ފުޅާކޮށްފި

މޯލްޑިވިއަން އެއާލައިންސް އިން އިންޑިއާގައި އެ އެއާލައިންގެ ޑިސްޓްރިބިއުޝަން ނެޓްވޯކް ވަރަށް ބޮޑަށް ހަރުދަނާ ކުރުމަށް އެޅި ފިޔަވަޅެއްގެ ދަށުން އެމީޑިއަސް ގްލޯބަލް ޑިސްޓްރިބިއުޝަން ސިސްޓަމް (އެމަޑިއަސް ޖީޑީއެސް) އާ އެކު ސްޓްރެޓެޖިކް ޕާޓްނާޝިޕެއް ޤާއިމްކޮށްފި އެވެ.

އެމީޑިއަސް ޖީޑީއެސް އާއި އެކު ޤާއިމްުކުރި ޕާޓްނާރޝިޕާއިއެކު އިންޓަނޭޝަނަލް އެއާ ޓްރާންސްޕޯޓް އެސޯސިއޭޝަން (އަޔާޓާ) ގެ ބިލިން އެންޑް ސެޓްލްމަންޓް ޕްލޭން (ބީއެސްޕީ) ގައި މޯލްޑިވިއަން ވަނީ މިހާރު ބައިވެރިވެފައި އެވެ.

މި ބައިވެރިވުންތަކާއި އެކު އިންޑިއާގައި އަޔާޓާއިން އެކްރެޑިޓްކޮށްފައިވާ ބީއެސްޕީގެ ޓްރެވަލް އެޖެންޓުންނަށް މޯލްޑިވިއަންގެ ފްލައިޓްތަކަށް އީ-ޓިކެޓް ދޫކުރުމުގެ ފުރުސަތު ދެ ވަނަ ކުއާޓާ-986 ގެ ޓިކެޓް ޕްލޭޓާއެކު އެމީޑިއަސް ޖީޑީއެސް ޕްލެޓްފޯމް ބޭނުންކޮށްގެން ދޫކުރެވޭނެ ކަމަށް އެކުންފުނިން ބުނެއެވެ. އިންޑިއާގެ ބީއެސްޕީން އެކްރެޑިޓްކޮށްފައިވާ ހުރިހާ ޓްރެވަލް އެޖެންޓުންނަށް ކޮމްޕްރެހެންސިވް އެކްސެސް 14 އޮގަސްޓް 2024 އިން ފެށިގެން ލިބޭނެ ކަމަށް ވެސް މޯލްޑިވިއަންއިން ބުނެއެވެ.

މޯލްޑިވިއަންގެ އެކްޓިން ޗީފް ކޮމާޝަލް އޮފިސަރު އިސްމާއިލް އަމްރާހު އުމަރު ވިދާޅުވީ އެމީޑިއަސް ޖީޑީއެސްއާ އެކު ޕާޓްނާޝިޕާއި އައިއޭޓީއޭގެ ބީއެސްޕީގައި ބައިވެރިވުމަކީ މޯލްޑިވިއަންގެ ޑިސްޓްރިބިއުޝަން ގާބިލްކަން ފުޅާކުރުމަށް ލިބުނު ވަރަށް ބޮޑު ކާމިޔާބީއެއް ކަމަށާއި މި އިނީޝިއޭޓިވްގެ ސަބަބުން އެއާލައިންގެ ފްލައިޓްތަކަށް ފަސޭހައިން ދަތުރުކުރެވޭނެ މަގު ފަހިވެ، ކުރިއަރަމުން އަންނަ ނެޓްވޯކްގެ ތެރޭގައި ކަނެކްޓިވިޓީ އިތުރުވެގެންދާނެ ކަމަށެވެ.

" މި ޕާޓްނަރޝިޕްގެ ސަބަބުން ޕާޓްނަރުންނާއި ކަސްޓަމަރުންނަށް ލިބިގެންދާނެ ފުޅާ ފުރުޞަތުތަކާމެދު ވަރަށް އުފާވޭ." އޭނާ ވިދާޅުވިއެވެ.

ރާއްޖޭގެ ވެލާނާ އިންޓަނޭޝަނަލް އެއާޕޯޓް (އެމްއެލްއީ) އިން އިންޑިއާގެ ތިން މަންޒިލަކަށް މޯލްޑިވިއަން އިން ހަފުތާއަކު 13 ނޮން ސްޓޮޕް ފްލައިޓް ބާއްވަ އެވެ. އެ އެއާލައިނުން އޭ320 މަރުކާގެ މަތިންދާ ބޯޓު ބޭނުންކޮށްގެން ކޮޗިން (ސީއޯކޭ) އަށް ހަފުތާއަކު ހަތަރު ފްލައިޓް، ތިރުވަނަންތަޕޫރަމް (ޓީއާރްވީ) އަށް ފަސް ފްލައިޓް އަދި ބެންގަލޫރު (ބީއެލްއާރް) އަށް ދެ ފްލައިޓް ބާއްވަ އެވެ. ޑޭޝް8-300 މަރުކާގެ މަތިންދާ ބޯޓަކުން ރާއްޖޭގެ އުތުރުގައި އޮންނަ ހަނިމާދޫ އިންޓަނޭޝަނަލް އެއާޕޯޓް (އެޗްއޭކިއު) އާއި ޓީއާރުވީ އާ ހަފުތާއަކު ދެ ފްލައިޓް ގުޅާލަ އެވެ.

މި ޕާޓްނާޝިޕްގެ ސަބަބުން ޓިކެޓިން އާއި ޑިސްޓްރިބިއުޝަން ޕްރޮސެސްތައް ފަސޭހަވެ، އިންޑިއާ އާއި ރާއްޖެއާ ދެމެދު ދަތުރުކުރާ ފަރާތްތަކަށް އޭގެ ފައިދާ ކުރާނެ އެވެ. މީގެ އިތުރުން ރާއްޖޭގެ 17 އެއާޕޯޓެއް ހިމެނޭ މޯލްޑިވިއަންގެ ޑޮމެސްޓިކް ނެޓްވޯކްގެ ހިދުމަތް އެޖެންޓުންނަށް ލިބިގެންދާނެ ކަމަށާއި ލަގްޒަރީ ރިސޯޓުތަކުން ފެށިގެން ބަޖެޓާ ރައްޓެހި ޗުއްޓީތަކާ ހަމައަށް ފުޅާ ދާއިރާއެއްގައި ދަތުރުކުރެވޭނެ ކަމަށް މޯލްޑިވިއަންއިން ބުނެއެވެ.

މޯލްޑިވިއަން އިން ވަނީ އެމިރޭޓްސް އާއި އިއްތިހާދު އެއާވޭސްއާ އެކު އިންޓަލައިން އެއްބަސްވުންތަކެއް ވެސް ގާއިމްކޮށް، ކުރިއަށް އޮތް ތަނުގައި އިތުރު ބައިނަލްއަގުވާމީ ޕާޓްނާޝިޕްތަކެއް ގާއިމްކުރުމަށް ނިންމާފައި އެވެ.