ރާއްޖޭގެ ތިން ވަޒީރުން ޗައިނާ އެކްޒިމް ބޭންކުގެ ޗެއާމަންއާއި ބައްދަލުކުރައްވައިފި

ރާއްޖޭގެ ފޮރިން މިނިސްޓަރ މޫސާ ޒަމާރު ޗައިނާ އެގްޒިމް ބޭންކުގެ ޗެއާމަން ވޫ ފުލިންއާއި ބައްދަލުކުރައްވައިފި އެވެ.

މި ބައްދަލުކުރެއްވުން އޮތީ މިހާރު މިނިސްޓަރ ޒަމީރު ޗައިނާއަށް ކުރައްވަމުން އަންނަ ރަސްމީ ދަތުރުފުޅުގެ ތެރެއިން ޗައިނާގެ ވެރިރަށް ބެއިޖިންގައި ހުންނަ އެ ބޭންކުގެ ރަސްމީ އޮފީހުގައި އެވެ.

މި ބައްދަލުކުރެއްވުމާއި ގުޅޭގޮތުން މިނިސްޓަރ ވިދާޅުވީ ޗައިނާ އެގްޒިމް ބޭންކުގެ ޗެއާމަން ވޫ ފުލިންއާ ބެއިޖިންގައި ބައްދަލުކުރައްވައި ރާއްޖޭގެ މާލީ އަދި އިޤްތިޞާދީ އެންމެ ފަހުގެ އަޕްޑޭޓްތަކާއި، ރައީސް މުޢިއްޒު އިޢުލާނުކުރެއްވި ގައުމުގެ އިގްތިސޯދު އިޞްލާޙު ކުރުމުގެ މަސައްކަތްތަކުގެ މަޢުލޫމާތު އެމަނިކުފާނާ ޙިއްޞާކުރެއްވި ކަމަށެވެ.

މި ބައްދަލުކުރެއްވުމުގައި، ތަރައްޤީގެ މުހިންމު މަޝްރޫޢުތަކަށް ފައިނޭންސް ކުރުމާއި، މުސްތަޤްބަލުގައި ކުރެވިދާނެ މަސައްކަތްތަކާއި ބެހޭގޮތުން މަޝްވަރާކުރެއްވި ކަމަށް މިނިސްޓަރ ވިދާޅުވިއެވެ.

މި ބައްދަލުކުރެއްވުމުގައި މިނިސްޓަރ ޒަމީރުގެ އަރިހުގައި މިނިސްޓަރ އޮފް ފިނޭންސް ޑރ.މުޙައްމަދު ޝަފީޤާއި މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ޑރ.ޢަބްދުالله މުއްތަލިބުވެސް ބައިވެރިވެވަޑައިގެންނެވި އެވެ.