ހިޒްބުالله އިން ޔަހޫދީންގެ އަސްަކަރީ މަރުކަޒަކަށް ހަމަލާދީފި

ލުބުނާނުގެ ހިޒްބުالله ޖަމާއަތުން ޔަހޫދީން އިޒްރޭލުގެ އަސްަކަރީ މަރުކަޒަކަށް ހަމަލާދީފި އެވެ.

ރިޕޯޓުތައް ބުނާގޮތުގައި ހިޒްބުالله އިން ވަނީ ލުބުނާނާއި އިޒްރޭލު ގުޅޭ އުތުރުގެ ސަރަހައްދުގައި އޮންނަ މަލްކިއާ އާބާދީ ކައިރީގައި އިޒްރޭލުގެ އަސްކަރީ ސައިޓަށް ހަމަލާ ދިން ކަމަށް ބުނެފަ އެވެ.

ޓެލެގްރާމްގައި އެ ޖަމާއަތުގެ ބަޔާނުގައި ބުނެފައި ވަނީ މި ހަމަލާ ދީފައި ޑްރޯންއަކުން ކަމަށާއި މި ހަމަލާގައި އިޒްރޭލުގެ އަސްކަރީ ބަންކަރަކަށް ގެއްލުންވެ، އަލިފާން ރޯކޮށް، އޭގެ ބައެއް ހަލާކުކޮށްލާފައިވާ ކަމަށެވެ.

އިސްރާއީލުން ޣައްޒާއާ ދެކޮޅަށް ކުރަމުންދާ ހަނގުރާމަ ނިމުމުން އިސްރާއީލުގެ އުތުރުގެ ސަރަހައްދުތަކަށް ދޭ ހަމަލާތައް ހުއްޓާލާނެ ކަމަށް ހިޒްބުالله އިން އަންނަނީ އަބަދުވެސް ބުނަމުންނެވެ.

ހިޒްބުالله ގެ އިތުުރުން ހަމާސްއިންވެސް މިއަދު ވަނީ ޔަހޫދީންގެ އަސްކަރީ އަމާޒުތަކަށް މިއަދު ހަމަލާތަކެއް ދީފައި އެވެ.