"ތައްޔާރުވަމާ" ވޯކްޝޮޕް ކާމިޔާބު ކަމާއެކު ނިންމާލައިފި

މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވާމަންޓުން އިންތިޒާމްކޮށްގެން ކުރިޔަށް ގެންދިޔަ"ތައްޔާރުވަމާ" ވޯކްޝޮޕް ކާމިޔާބު ކަމާއެކު ނިންމާލައިފިއެވެ.

އެއް ދުވަހުގެ މުއްދަތަށް ކުރިއަށްގެންދިޔަ މި ވޯކްޝޮޕަކީ މުޅިން އަލަށް ވަޒީފާގެ މާޙައުލަށް ނުކުންނަ ފަރާތްތަކަށް ހާއްސަކޮށްގެން ކުރިޔަށް ގެންދާ ވޯކްޝޮޕެކެވެ.

މި ވޯކްޝަޕުގައި 50 ޒުވާނުން ބައިވެރިވެފައިވާއިރު ބައިވެރިންނަށް ވަނީ ސެޓްފިކެޓް ހަވާލުކޮށްފައެވެ.

ޒުވާނުން ވަޒީފާގެ މައިދާނަށް ތައްޔާރުކުރުމަށްޓަކައި ކުރިއަށްގެންދާ މި ޕްރޮގްރާމަކީ އުމުރުން 16-35 އަހަރާ ދެމެދުގެ އުމުރުފުރާއަށް ކުރިއަށް ގެންދާ ޕްރޮގްރާމެކެވެ.

"ތައްޔާރުވަމާ" ސިލްސިލާގެ މިއަހަރުގެ ފުރަތަމަ މަސައްކަތު ބައްދަލުވުމުގައި 24 ޒުވާނުން ވަނީ ބައިވެރިވެފައެވެ.