ޔަމަނުގެ ހުދެއިދާ ސިޓީއަށް ދިން ހަމަލާގެ ޒިންމާ ޔަހޫދީން ނަގައިފި

ޔަމަނުގެ ހުދެއިދާ ސިޓީއަށް ދިން ހަމަލާގެ ޒިންމާ ޔަހޫދީ އިޒްރޭލުން ނަގައިފި އެވެ.

ޔަމަނުގެ ހުދައިދާ ބަނދަރުގައި ހުރި އަސްކަރީ އަމާޒުތަކަށް އިސްރާއީލުގެ ހަނގުރާމަމަތީ މަތިންދާބޯޓުތަކުން ހަމަލާދީފައިވާ ކަމަށް ޔަހޫދީ އަސްކަރިއްޔާގެ ތަރުޖަމާނު ޑެނިއަލް ހަގާރީ ވަނީ ކަށަވަރުކޮށްދީފައި އެވެ.

އޭނާ ބުނި ގޮތުގައި އިޒްރޭލުގެ ޖެޓްތަކުން ހަމަލާދީފައި ވަނީ ޔަމަނުގެ ހުދައިދާ ބަނދަރު ސަރަހައްދުގައި ހުންނަ ހޫތީ ޓެރަރިސްޓް ސަރުކާރުގެ އަސްކަރީ އަމާޒުތަކަށެވެ.

މި ހަމަލާތަކާއި ގުޅިގެން އަދި މިހާތަނަށް ސީދާ ހޫތީންގެ ފަރާތުން ވަކި އެއްޗެކޭ ބުނެފައި ނުވާއިރު މިއީ ޔަމަނާއި އިޒްރޭލުގެ ދެމެދުގައި ހަނގުރާމަ ފެށުމުގެ ކޮޅު މަތި ކަމަށް މަޝްރަހު ދިރާސާ ކުރާ ފަރާތްތަކުން ބުނެއެވެ.

ޔަހޫދީންގެ މި ހަމަލާގައި ބަޔަކު ޝަހީދުވެފައިވާކަން ޔަމަނުގެ ނޫސްތަކުން ބުނާއިރު މިހާތަނަށް ޝަހީދުވި މީހުންގެ އަދަދު ހާމަކޮށްފައެއް ނުވެއެވެ.