އިމާމުން ތަމްރީނު ކުރުމުގެ ޕްރޮގްރާމުގެ ދަށުން 20 އިމާމުން މިރޭ ބުރޫނާއިއަށް ފުރަނީ
އަހުމަދު ޝުރާއު
7/16/2024, 11:10:59 AM
--
ޚިދުމަތުގައި ތިއްބެވި އިމާމުން އިތުރަށް ތަމްރީންކުރުމަށް ހިންގާ ޤައުމީ މަޝްރޫޢުގެ ތެރެއިން ތަމްރީނަށް މިރޭ އިމާމުންތަކެއް ބުރޫނާއިއަން ފުރުމަށް ހަމަޖެހިފައިވާ ކަމަށް އިސްލާމީ ކަންތައްތަކާއި ބެހޭ ވުޒާރާއިން ބުނެފި އެވެ.
އެވުޒާރާގެ ވަޒީރު ޑރ މުހައްމަދު ޝަހީމް އަލީ ސައީދު މިއަދު ވަނީ އިމާމުން ތަމްރީނު ކުރުމުގެ ޕްރޮގްރާމްގެ ދަށުން މިރޭ ބުރޫނާއި ދާރުއްސަލާމަށް ފުރާ އިމާމުންނާ ބައްދަލުކުރައްވާފައި އެވެ.
ވަޒީރު ވިދާޅުވީ މިރޭ ބުރޫނާއިއަށް ފުރުމަށް ހަމަޖެހިފައިވަނީ 20 އިމާމުން ކަމަށާއި މިއީ ރާއްޖެއިން ބޭރަށް މިއަހަރު އިމާމުން ތަމްރީނަށްދާ 3 ވަނަ ފަހަރު ކަމަށެވެ.
ވަޒީރު ވިދާޅުވީ ތަމްރީނަށް މިއަހަރު ގެ މިހާތަނަށް 60 އިމާމުންވަނީ ރާއްޖެއިން ބޭރަށް ފޮނުވިފައި ކަމަށެވެ.
ޚިދުމަތުގައި ތިއްބެވި އިމާމުން އިތުރަށް ތަމްރީންކުރުމަށް ހިންގާ ޤައުމީ މަޝްރޫޢުގެ ތެރެއިން އަހަރަކު 700 އިމާމުން ތަމްރީން ކުރުމަކީ ސަރުކާރުގެ އަމާޒެކެވެ.