އައްޑޫ ސިޓީ ގުޅިފައިވާ ރަށްތަކުން ކަރަންޓު ކެނޑިއްޖެ

އައްޑޫ ސިޓީ ގުޅިފައިވާ ރަށްތަކުން ކަރަންޓު ކެނޑިއްޖެ އެވެ.

ފެނަކަ ކޯޕަރޭޝަނުން ބުނީ, ހިތަދޫ ސީ.ޕީ.އެސްއާ ގުޅިފައިވާ ރަށްތަކުން މިވަގުތު ކަރަންޓު ކެނޑިފައިވާ ކަމަށެވެ. މައުލޫމާތުލިބިފައިވާ ގޮތުގައި ހިތަދޫ ގުޅިފައިވާ ރަށްތަކުން ކަރަންޓު ކެނޑިފައިވަނީ މިއަދު 3:30 އިން ފެށިގެންނެވެ.

ފެނަކައިން ބުނީ, ކަރަންޓު މައްސަލަ ދިމާވީ, މަގު ހެދުމުގެ މަސައްކަތުގެ ތެރެއިން އެޗް.ވީ ކޭބަލްއަކަށް ގެއްލުން ވެގެންކަމަށެވެ.

މިހާރު މައްސަލަ ހައްލު ކުރުމުގެ މަސައްކަތް ކުރަމުން އަންނަ އިރު ރައްޔިތުންނަށް ކުރިމަތި ވާނެ އުނދަގޫތަކަށް ފެނަކައިން ވަނީ މާފަށް އެދިފައެވެ. އަދި ކަރަންޓު ސީދާ ދެވޭނެ ވަގުތެއް އަދި ހާމަކޮށްފައެއް ނުވެއެވެ.