ކުޅުދުއްފުށި ކްލިނިކަކުން ވައްކަން ކުރި ތަކެތި ހޯދައި މީހަކު ހައްޔަރުކޮށްފި

ހދ. ކުޅުދުއްފުށި ކްލިނިކަކުން ވައްކަންކުރި ތަހެތި ހޯދައި, އެމައްސަލައާ ގުޅިގެން މީހަކު ހައްޔަރުކޮށްފައިވާ ކަމަށް ފުލުހުން ބުނެފި އެވެ.

ފުލުހުން ބުނީ, ކުޅުދުއްފުށީ އިލާ ކްލިނިކުން ވައްކަންކޮށްފައިވާ މައްސަލައާ ގުޅިގެން, އެކްލިނިކުން ވަގަށް ނެގި ތަކެތި ހޯދުމަށް ފުލުހުން ކުރި މަސައްކަތުން ޖޫން 24ވަނަ ދުވަހު އެތަކެތި ހޯދައި ވެރިފަރާތާ ހަވާލުކޮށްފައިވާ ކަމަށެެވެ.

މައުލޫމާތު ލިބިފައިވާ ގޮތުގައި އެ ކްލިނިކުން ވައްކަން ކޮށްފައިވަނީ ޖޫން މަހުގެ 13ވަނަ ދުވަހުގެ ރޭ ދަންވަރުގެ ވަގުތެއްގައެވެ. އެނގިފައިވާގޮތުގައި އެތަނުން ވަގަށް ގެންގޮސްފައިވަނީ ފޯނުތަކެކެވެ.

މި މައްސަލައާ ގުޅިގެން 26 އަހަރުގެ ދިވެހި ފިރިހެނަކު އިއްޔެ ހައްޔަރުކޮށްފައިވާކަމަށްވެސް ފުލުހުން ވަނީ ބުނެފައެވެ.

މި މައްސަލަ ފުލުހުން ގެންދަނީ އިތުރަށް ތަހުގީގުކުރަމުންނެވެ.