ސަކެޕްގެ 16 ވަނަ ގަވަރނިންގ ކައުންސިލް ބައްދަލުވުމަށް މިނިސްޓަރ ތޯރިގް ބޫޓާނަށް ފުރާވަޑައިގެންފި

ސައުތު އޭޝިއާ ކޯޕަރޭޓިވް އެންވަޔަރަންމަންޓް ޕްރޮގްރާމް (ސަކެޕް) ގެ 16 ވަނަ ގަވަރނިންގ ކައުންސިލް މީޓިންގް އަށް މިނިސްޓަރ އޮފް ކްލައިމެޓް ޗޭންޖް އެންވަޔަރަންމަންޓް އެންޑް އެނަރޖީ ޠާރިޤް އިބްރާހީމް ބޫޓާނަށް ފުރާވަޑައިޑައިގެންފި އެވެ.

ސަކެޕް ގެ 16 ވަނަ ގަވަރނިންގ ކައުންސިލް މީޓިންގް ކުރިއަށް ދާނީ މިމަހުގެ 24 އިން 26 ބޫޓާން ގައެވެ.

މި ބައްދަލުވުމަކީ ސަކެޕްގެ މެންބަރު ޤައުމުތަކުގެ އިތުރުން އެކުވެރި ދައުލަތްތަކުގެ އެހެނިހެން އިދާރާތައް ހިމެނޭގޮތަށް ތިމާވެށީގެ ދާއިރާއާ ގުޅޭ މަޝްވަރާތައް ކުރުމަށް ބޭއްވޭ މުހިއްމު ބައްދަލުވުމެކެވެ.

މި ސަރަޙައްދުގެ ތިމާވެށި ޙިމާޔަތްކުރުމާއި، ބެލެހެއްޓުމާއި ކުރިއެރުވުމަށް އެހީތެރިކަން ފޯރުކޮށްދިނުމުގެ މަގްސަދުގައި ސަކެޕް އުފައްދާފައިވަނީ 1982ވަނަ އަހަރު އެވެ. ސަކެޕްގެ މެމްބަރު ގައުމުތަކުގެ ތެރޭގައި އަފްގާނިސްތާން، ބަންގްލަދޭޝް، ބޫޓާން، އިންޑިއާ، ރާއްޖެ، ނޭޕާލް، ޕާކިސްތާން އަދި ސްރީލަންކާ ހިމެނެއެވެ.