ހިޒްބުالله ގެ ހަމަލާއާއި އެކު ޔަހޫދީ ސިފައިން ބިރުން ފިލަން ދުވާ މަންޒަރު ފެންނަ ވީޑިއޯއެއް އާންމުވެއްޖެ

ހިޒްބުالله އިން މިއަދު ޔަހޫދީންގެ އަސްކަރީ މަރުކަޒަކަށް ދިން ހަމަލާއާއި އެކު ޔަހޫދީ ސިފައިން ބިރުން ސަލާމާތްވާނެ ދުވާ މަންޒަރު ފެންނަ ވީޑިއޯއެއް އާންމުވެއްޖެ އެވެ.

މި ވީޑިއޯ އާންމުކޮށްފައިވަނީ ޔަހޫދީ އިޒްރޭލުގެ ރޭޑިއޯ ސްޓޭޝަނެއްގެ ރަސްމީ އެކްސް އެކައުންޓުންނެވެ.

އަލް ޖަޒީރާއިން ބުނާ ގޮތުގައި އިޒްރޭލުގެ މަތީ ގަލީލުގެ އަޔެލެޓް ހާޝަހަރުގައި ހުންނަ އިސްރާއީލުގެ އަސްކަރީ މަރުކަޒަކަށް އަމާޒުކޮށް ހިޒްބުاللهގެ ޑްރޯން ހަމަލާއެއް ދިނުމުން ސިފައިންގެ މެދުގައި ބިރުވެރިކަން އުފެދުނު ކަމަށް އަލްޖަޒީރާގެ ސަނާދު ފެކްޓް ޗެކިން އެޖެންސީން ކަށަވަރުކުރި ވީޑިއޯއަކުން ވަނީ ފެނިގެން ގޮސްފައި އެވެ.

އިޒްރޭލުގެ އަސްކަރީ ރޭޑިއޯއިން އެކްސްގައި ހިއްސާކޮށްފައިވާ ފުޓޭޖްތަކުން ފެންނަ ގޮތުގައި އިޒްރޭލުގެ ބޭސް ކައިރީގައި ސައިރަންގެ އަޑާއި އެކު ސަލާމަތްކަން ހޯދަން ޔަހޫދީ ސިފައިން ހަލަބޮލިކޮށް ދުވަމުން ދެ އެވެ.

ސިފައިންގެ ތެރެއިން އެކަކު ނުތަނަވަސް އަޑަކުން ބުނަނީ "[ޑްރޯން] މިތަނަށް ވެއްޓޭނެ، އާނ މިތަނަށް ވެއްޓޭނެ". އެހެން ސިފައިންގެ މީހަކު "މިތާ އަދި އެއް ޑްރޯން އެބަ އޮތް" އޭ ބުނެ ހަޅޭއްލަވާ އަޑު އިވެއެވެ. ކެމެރާއިން ޑްރޯންއެއް ބޭސް މަތިން ހުއްޓުވި ވަގުތު، މަންޒަރު ނަގަމުން ދިޔަ ސިފައިންގެ މީހާ ކަވަރު ނަގަން އެތެރެއަށް ދުވެފައި ދިއަ މަންޒަރުވެސް ފެނިގެން ދެއެވެ.