-
މިސްކިތުގެ ތެރޭގައި ޓިކްޓޮކް ކުޅުނު މައްސަލައެއް ފެންމަތިވުމާއި އެކު ޓިކްޓޮކް ކުޅުނު ކުއްޖާ ނިސްބަތްވާ ބޮޑުބެރު ގްރޫޮޕުން އޭނާއާއި މެދު ފިޔަވަޅު އަޅައިފި އެވެ.
ރ މީދޫގެ މިސްކިތުގައި ޓިކްޓޮކް ކުޅުނު އަންހެންމީހާއަކީ އީދަށް އެރަށުގައި ޝޯއެއް ދިނުމަށް ދިޔަ "ދަންދާނަ" ގުރޫޕުގެ އަންހެން މެމްބަރެކެވެ.
ދަންދާނަ ގްރޫޕުން ރޭ ނެރުނު ބަޔާނެއްގައި ބުނީ އަންހެންމީހާގެ އެ އަމަލު ހަރުކަށި އިބާރާތުން ކުށްވެރިކުރާ ކަމަށާއި އެއީ އޭނާ އަމިއްލައަށް ކުރި ކަމެއް ކަމަށެވެ. އަދި އެއީ އެ ގުރޫޕާ އެއްވެސް ގުޅުމެއް އޮވެގެން ކުރި ކަމެއް ނޫން ކަމަށް ވެސް އެ ބަޔާނުގައިވެ އެވެ. އެ ގުރޫޕުން ރޭވިފައިވާ އެއްވެސް ދަތުރެއްގައި އެ ގުރޫޕަށް ނިސްބަތްވާ އެއްވެސް މެމްބަރެއްގެ ފަރާތުން އެފަދަ އަމަލެއް ދެން ނުފެންނާނެ ކަމަށް އެ ބަޔާނުގައިވެ އެވެ.
މި މައްސަލަ ފެންމަތިވުމާއިއެކު ފުލުހުންގެ މީޑިއާ އޮފިޝަލް އިއްޔެ ވިދާޅުވީ ޓިކްޓޮކް ހަދައި މިސްކިތުގެ ތެރޭގައި ނެށީ މީދޫގައި އީދު ޝޯ ދިނުމަށް ގޮސް ތިބި ގްރޫޕެއްގެ އަންހެނަކު ކަމަށެވެ. އެ މައްސަލަ މިހާރު ތަހުގީގު ކުރަމުން އަންނަ ކަމަށް ވެސް މީޑިއާ އޮފިޝަލް ވިދާޅުވި އެވެ.
ސޯޝަލް މީޑިއާގައި ދައުރުވަމުންދާ ވީޑިއޯގައި ފެންނަނީ އާސާރީ މިސްކިތެއްގެ ތެރޭގައި އާއި ގޯތިތެރޭގައި ބަނޑިޔާ އަދި މާ ކޯޅިއެއް ހިފައިގެން އެ އަންހެން މީހާ ނަށާ ތަނެކެވެ. އެ މިސްކިތަކީ މިހާރު ވެސް އާންމުން ނަމާދު ކުރުމަށް ބޭނުން ކުރާ މިސްކިތެކެވެ.
ފަހުގެ
