
ދިވެހި ސިފައިންގެ ފަރާތުން ފަލަސްތީން ފަންޑަށް 2 މިލިއަން ރުފިޔާ ހަދިޔާކޮށްފި
# އެމްއެންޑީއެފް# ފަލަސްތީނާއެކު ދިވެހިން-
ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ، ޑރ. މުޙައްމަދު މުޢިއްޒުގެ އެދިވަޑައިގަތުމަށް، ފަލަސްޠީނުގެ ރައްޔިތުންނަށް އެހީތެރިވުމުގެ ގޮތުން ޕަބްލިކް ސަރވިސް މީޑިއާއިން ކުރިއަށް ގެންދާ "ފަލަސްޠީނާއެކު ދިވެހީން" ޓެލެތޯނުގައި ދިވެހިރާއްޖޭގެ ޤައުމީ ދިފާޢީ ބާރުން ފައިސާގެ އެހީ ހަދިޔާކޮށްފިއެވެ.

މިއަދުގެ 08:00 އިން މެންދަމު 00:00 އަށް ކުރިއަށް ގެންދާ މި ޓެލެތޯނުގައި، ދިވެހިރާއްޖޭގެ ޤައުމީ ދިފާޢީ ބާރުން ވަނީ ޖުމްލަ 2,169,826.32 ރުފިޔާ، ފަލަސްތީނު ފަންޑަށް ހަދިޔާ ކޮށްފައެވެ.
ސިފައިންގެ ފަރާތުން ހަދިޔާކުރި މި ފައިސާގެ އެހީ އެ ފަންޑަށް ހަވާލުކޮށްދެއްވީ، ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ޙިލްމީއެވެ. ޗީފް އޮފް ޑިފެންސް ފޯސްގެ އަރިހުގައި، މިނިސްޓަރ އޮފް ޑިފެންސް، އޮނަރަބަލް މުޙައްމަދު ޣައްސާން މައުމޫންއާއި، ވައިސް ޗީފް އޮފް ޑިފެންސް ފޯސް، ބްރިގޭޑިއަރ ޖެނެރަލް އަޙްމަދު ޣިޔާޡް މި ފައިސާ ހަދިޔާކުރުމުގެ އިވެންޓްގައި ބައިވެރިވެ ވަޑައިގެންނެވިއެވެ.
ޣައްސާން ވިދާޅުވީ، ފަލަސްތީނަށް ދިމާވެފައި މި އޮތް ހިތާމަވެރި ހާލަތުގައި، ބައިނަލްއަގްވާމީ މަސްރަހުގައި އެންމެ ބޮޑަށް ފާހަގަކުރެވޭ އިސްލާމީ ލީޑަރަކީ ޑރ. މުހައްމަދު މުއިއްޒު ކަމަށެވެ. އެގޮތުން އެމަނިކުފާނަށް ލިބިވަޑައިގަންނަވާ ކޮންމެ ފުރުސަތެއްގައިވެސް ފަލަސްތީނުގެ ހައްގުގައި ވަކާލާތު ކުރައްވާކަމަށް ޣައްސާން ވިދާޅުވި އެވެ.
ޕީއެސްއެމްއިން ކުރިއަށްގެންދާ މި ޓެލެތޯންއަށް ސަރުކާރުގެ އެކު މުވައްސަސާތަކާއި ކުންފުނިތަކުންވެސް އަންނަނީ ގިނަ އަދަދެއްގެ ފައިސާ ހަދިޔާކުރަމުންނެވެ.
ގުޅުންހުރި

މާލޭގެ ކެފޭއެއްގައި އަލިފާނުގެ ހާދިސާއެއް: ބިދޭސީއެއްގެ ފައި ފިހުނު!

ފުވައްމުލަކުގައި "އުފާވެރި ދިރިއުޅުމަކަށް ކަސްރަތު 2025" ގެ ނަމުގައި ޕްރޮގްރާމެއް ހިންގައިފި

ބޯވިއްސާރައާއިއެކު މާލެ ފެނުއަޑީގައި: ފެންހިންދުމާއި ވެލިބަސްތާ ޖެހުމަށް ސިފައިން ނުކުމެއްޖެ
.jpg&w=3840&q=75)




