ކޮލަމްބިއާއިން ޔަހޫދީ އިޒްރޭލަށް ކޯލް ވިއްކުން ހުއްޓާލައިފި
އަހުމަދު ޝުރާއު
6/8/2024, 4:38:37 PM
ކޮލަމްބިއާއިން ޔަހޫދީ އިޒްރޭލަށް ކޯލް ވިއްކުން ހުއްޓާލާނެކަން އިއުލާނުކޮށްފި އެވެ.
ކޮލަމްބިއާގެ ރައީސް ގުސްޓާވޯ ޕެޓްރޯ މިއަދު ވިދާޅުވީ ޣައްޒާގައި އިޒްރޭލުން ކުރަމުންދާ ހަނގުރާމަ ކުރިއަށް ދާއިރު، އެ ގައުމަށް ކޯލް އެކްސްޕޯޓް ކުރުން ހުއްޓާލަން ނިންމާފައިވާ ކަމަށެވެ.
"ގަތުލުއާންމު ހުއްޓާލަންދެން އިޒްރޭލަށް ކޯލް އެކްސްޕޯޓް ކުރުން ހުއްޓާލާނަން،" އެކްސްގައި އޭނާ ލިޔުއްވާފައިވެ އެވެ.
އިސްރާއީލުން ޣައްޒާގައި ހިނގަމުންދާ ހަނގުރާމައަކީ "ޖަރީމާއެއް" ކަމަށް ސިފަކުރައްވާ ޕެޓްރޯ މިދިޔަ މެއި މަހު ވަނީ އެ ހަމަނުޖެހުންތަކާ ގުޅިގެން ކޮލަމްބިއާ އިން އިސްރާއީލާ ގުޅުން ކަނޑާލާނެ ކަން އިއުލާން ކޮށްފަ އެވެ.
މިއީ ކޮލަމްބިއާ ފަދަ އަމިއްލަ އުފެއްދުންތެރިކަން ވަރުގަދަ ގައުމަކުން އިޒްރޭލާއި ދެކޮޅަށް މިފަދަ ފިޔަވަޅެއް އަޅާ ފުރަތަމަ ފަހަރެވެ.