ބަނޑޭރި ކޮށީގެ އެޕާޓްމަންޓެއްގައި ނިޔާވެފައި އޮއްވާ ފެނުނު މީހާގެ ހަށިގަނޑު ޕޯސްޓްމޯޓަމް ހެދުމަށް އިންޑިއާއަށް ގެންގޮސްފި

މިމަހުގެ 13 ވަނަ ދުވަހު ބަނޑޭރި ކޮށީގެ އެޕާޓްމަންޓެއްގެ ތެރެއިން ނިޔާވެފައި އޮތްވާ ފެނުނު މީހާގެ ހަށިގަނޑު ޕޯސްޓްމޯޓަމް ހެދުމަށް ރާއްޖެއިން ބޭރަށް ފޮނުވައިފި އެވެ.

ފުލުހުންގެ މީޑިއާ އޮފިޝަލް މިރޭ ވިދާޅުވީ ބަނޑޭރި ކޮށީގެ އެޕާޓްމަންޓެއްގައި ނިޔާވެފައި އޮއްވާ ފެނުނު މީހާގެ ހަށިގަނޑު ޕޯސްޓްމޯޓަމް ހެދުމަށްޓަކައި މިއަދު އިންޑިއާއަށް ގެންގޮސްފައިވާ ކަމަށެވެ.

ބަނޑޭރި ކޮށީގައި ނިޔާވެފައި އޮއްވާ ފެނިފައި ވަނީ އުމުރުން 30 އަހަރުގެ ދިވެހި ފިރިހެނެއް ކަމަށް މީގެ ކުރިން ފުލުހުން ބުނެފައިވެއެވެ.

މަރުވެފައިވާ މީހާގެ ހަށިގަނޑު ފެނިފައިވަނީ، މިމަހުގެ 14 ވަނަ ދުވަހުގެ ހަވީރުގެ ވަގުތެއްގައި ފުލުހުންނަށް ލިބުނު މައުލޫމާތަކާއި ގުޅިގެން ބަނޑޭރިކޮށި އެޕާޓްމަންޓެއް ބަލައި ފާސްކުރަމުންދަނިކޮށެވެ.

އެމީހާ ފެނުނު އެޕާޓްމެންޓަކީ މިވަގުތު އެއްވެސް ބަޔަކު ދިރިނޫޅޭ އަދި ބޭނުން ނުކުރާ އެޕާޓްމެންޓެއް ކަމަށް ޔަޤީން ކުރެވިފައިވާ ކަމަށް ފުލުހުން ވިދާޅުވެއެވެ.

ފުލުހުންގެ ޚިދުމަތުންދަނީ މި މައްސަލަ އިތުރަށް ތަޙުޤީގުކުރަމުންނެވެ.