މެލޭޝިއާގައި ތަޢުލީމް ހާސިލް ކުރާ ދިވެހި ދަރިވަރުންނަށް ކަންކަން ފަސޭހާ ކޮށްދެވޭނެ ގޮތްތަކާއި މެދު މަޝްވަރާކޮށްފި

މެލޭޝިއާގައި ތަޢުލީމް ހާސިލް ކުރާ ދިވެހި ދަރިވަރުންނަށް ކަންކަން ފަސޭހާ ކޮށްދެވޭނެ ގޮތްތަކާއި މެދު މަޝްވަރާކޮށްފި އެވެ.

މި މަޝްވަރާތައް ކޮށްފައިވަނީ ރާއްޖޭގެ ހަޔާ އެޑިއުކޭޝަން މިނިސްޓްރީއާއި މެލޭޝިއާއަށް ރާއްޖެއިން ކަނޑައަޅުއްވާފައިވާ ސަފީރާއި ދެމެދު އެވެ.

ހަޔާ އެޑިއުކޭޝަނުން މިނިސްޓްރީއިން މިއަދު ބުނީ އެމިނިސްޓްރީއިން މިއަދު ދިވެހިރާއްޖެއިން މެލޭޝިއާއަށް ކަނޑައަޅުއްވާފައިވާ ސަފީރު ޑރ މަރިޔަމް ޝަބީނާއާއި ބައްދަލުކުރައްވައި މެލޭޝިއާގައި ތަޢުލީމް ހާސިލް ކުރަންދާ ދިވެހި ދަރިވަރުންނަށް ކަންކަން ފަސޭހާ ކޮށްދެވޭނެ ގޮތްތަކާމެދު މަޝްވަރާކޮށްފައިވާ ކަމަށެވެ.

އެގޮތުން މި ބައްދަލުވުމުގައި ހަޔާ އެޑިއުކޭޝަންގެ ފަރާތުން ބައިވެރިވެވަޑައިގެންނެވީ އެ މިނިސްޓްރީގެ ސްޓޭޓް މިނިސްޓަރުން ކަމަށްވާ ޑރ އަބްދުއްރަހީމް ހަސަންއާއި އަހްމަދު ޝަފީއު އެވެ.

މެލޭޝިއާއަކީ ދިވެހި ދަރިވަރުން އެންމެ ގިނައިން ތައުލީމު ހާސިލުކުރަމުން އަންނަ އެއް ގައުމެވެ.