އަލްޖަޒީރާއަށް މަސައްކަތް ކުރާ ކަމަށްބުނެ އިސްރާއީލުން ނޫސްވެރިތަކެއް ހައްޔަރުކޮށްފި
# ޔަހޫދީ އިސްރާއީލް
ޔަހޫދީން އަލް އަރަބިޔާގެ ނޫސްވެރިން ހައްޔަރުކުރުން
އިސްރާއީލުގައި ބްރޯޑްކާސްޓުކުރުން މަނާކުރި އަލްޖަޒީރާއަށް މަސައްކަތް ކޮށްދޭ ކަމުގެ ތުހުމަތުގައި އިސްރާއީލުން ނޫސްވެރިންތަކެއް ހައްޔަރުކޮށްފި އެވެ.
އިނގިރޭސިވިލާތުގެ ލަންޑަންގައި ބޭސްވެގެން މަސައްކަތް ކުރާ ގަތަރުގެ ނިއުސް އައުޓްލެޓެއް ކަމަށްވާ އަލްއަރަބީ އަލް-ޖާދީދުގެ ނޫސްވެރިން ރޭ އިސްރާއީލުގެ ކަމާބެހޭ ފަރާތްތަކުން ހައްޔަރުކޮށްފައި ވަނީ އަސީރުންގެ ގޮތުގައި ތިބި މީހުން ދޫކޮށްލުމުގެ އެއްބަސްވުމަކަށް އައުމަށް ގޮވާލައި ރޭ އިސްރާއީލުގެ ތެލްއަވީވް ގައި ކުރި މުޒާހަރާތަކުގެ ތެރެއިން ކަމަށް ޓައިމްސް އޮފް އިޒްރޭލުން ބުނެއެވެ.
ސޯޝަލް މީޑިއާގައި ކޮށްފައިވާ ޕޯސްޓުތަކާ ހަވާލާދީ ޓީއޯއައި އިން ބުނީ އެ ނޫސްވެރިން ހިފަހައްޓާފައި ވަނީ ދާދި ފަހުން އިޒްރޭލުން މަނާކުރި އަލްޖަޒީރާގައި މަސައްކަތް ކުރާ ކަމަށް ޝައްކުކުރެވިގެން ކަމަށެވެ.
ބައެއް ރިޕޯޓުތައް ބުނާގޮތުގައި އަލްއަރަބީ އަލް-ޖާދީދުގެ ނޫސްވެރިން ހައްޔަރުކުރީ ތެލްއަވީވް މުޒާހަރާގެ ލައިވް ފުޓޭޖް އަލްޖަޒީރާއިން ބްރޯޑްކާސްޓް ކުރާ މަންޒަރު ކަމާ ބެހޭ ފަރާތްތަކަށް ފެނުމުންނެވެ.
ޔަހޫދީން ޣައްޒާއަށް ހުއްޓުމެއް ނެތި ދެމުން އަންނަ ހަމަލާތައް ބްރޯޑްކާސްޓުކުރަމުންދާތީ ޔަހޫދީ އިސްރާއިލުން ވަނީ އެގައުމުގައި އަލް ޖަޒީރާ ބްރީޑްކާސްޓު ކުރުމަށާއި އަލްޖަޒީރާގެ ނޫސްވެރިންނަށް އެގައުމުގައި ނޫސްވެރިކަން ކުރުން މަނާކޮށް ގާނޫނެއް ފާސްކޮށް އެޔަށް އަމަލުކުރަން ފަށާފައި އެވެ.
ފަހުގެ
