ކުޑަކުދިންގެ ދުވަސް ފާހަގަ ކުރުމަށް ސްޓެލްކޯއިން ޚާއްސަ ހަރަކާތެއް ބާއްވަނީ
އަހުމަދު ޝުރާއު
5/5/2024, 6:09:45 PM
ސްޓެލްކޯއިން ކުރިޔަށް ގެންދާ ޚާއްސަ ހަރަކާތް
ކޮންމެ އަހަރެއްްގެ މޭ މަހުގެ 10 ވަނަ ދުވަހު ފާހަގަކުރާ ކުޑަކުދިންގެ ދުވަހުގެ މުނާސަބަތުގައި ސްޓެލްކޯއިން ޚާއްސަ ހަރަކާތެއް ކުރިޔަށް ގެންދިޔުމަށް ތައްޔާރުވެއްޖެ އެވެ.
ސްޓެލްކޯއިން މިއަދު އެކްސްގައި ކުރި ޕޯސްޓެއްގައި ބުނެފައިވަނީ އިންޖިނިއަރިންގ ދާއިރާއަށް ކުޑަކުދިން ޝައުގުވެރިކުރުވުމަށްޓަކައި، ތަފާތު މާޙައުލަކުން ތަފާތު ތަޖުރިބާއެއް ކުރުމުގެ ފުރުޞަތާއެކު، ކުޑަކުދިންގެ ދުވަސް ފާހަގަ ކުރުމަށް ޚާއްސަ ހަރަކާތެއް އެ ކުންފުނީގެ ހެޑް އޮފީހުގައި ކުރިއަށްގެންދިއުމަށް ހަމަޖެހިފައިވާ ކަމަށެވެ.
އެގޮތުން މި ހަރަކާތް ކުރިޔަށް ގެންދިޔުމަށް ހަމަޖެހިފައިވަނީ 10 މެއި 2024 ވާ ހުކުރު ދުވަހުގެ ހެނދުނު 8:00 ން 10:00 ށް އަދި ހަވީރު 16:00 ން 18:00 އަށެވެ.
ސްޓެލްކޯއިން ވަނީ މި ހަރަކާތުގައި ވީހާވެސް ގިނަ ކުޑަކުދިން ބައިވެރިވުމަށް ދައުވަތު އަރުވާފައި އެވެ.
މިއީ ސްޓެލްކޯގެ ފަރާތުން ކުޑަކުދިންގެ ދުވަސް ކުލަގަދަކޮށް ފާހަގަކުރުމަށް މިފަދަ ބޮޑު ހަރަކާތެއް ބާއްވާ ފުރަތަމަ ފަހަރެވެ.