މަޑުއްވަރީ ކައުންސިލްގެ ރައީސްގެ ގޮނޑި ޑިމޮކްރެޓްސްއިން ކާމިޔާބުކޮށްފި

މިއަދު ކުރިޔަށްދިޔަ މަޑުއްވަރީ ކައުންސިލްގެ ރައީސްގެ ބައި އިލެކްޝަން ޑިމޮކްރެޓްސްގެ ކެނޑިޑޭޓު ކާމިޔާބުކުރައްވައިފި އެވެ.

މަޑުއްވަރީ ކައުންސިލްގެ ރައީސްގެ ބައި އިލެކްޝަންގައި ޑިމޮކްރެޓްސްގެ ފަރާތުން ވާދަކުރެއްވީ މުހައްމަދު އާޒިމް އަލީ އެވެ. މި އިންތިހާބުގައި އާޒިމްއާއި ވާދަކުރެއްވީ ވެރިކަން ކުރާ ޕީއެންސީގެ ކެނޑިޑޭޓު އަބްދުالله އަލީއެވެ.

މިއީ ޑިމޮކްރެޓްސް އުފެއްދި ފަހުން އެޕާޓީގެ ޓިކެޓުގައި ވާދަކުރެއްވި ކެނޑިޑޭޓަކު އިންތިހާބެއް ކާމިޔާބުކުރެއްވި ފުރަތަމަ ފަހަރެވެ. ނިމިދިޔަ ރިޔާސީ އިންތިހާބާއި މާލެ ސިޓީ މޭޔަރުގެ އިންތިހާބުގެ އިތުރުން މަޖިލިސް އިންތިހާބުގައިވެސް އެޕާޓީގެ ކެނޑިޑޭޓުން ވާދަކުރެއްވި ނަމަވެސް އެދެވޭ ނަތީޖާއެއް ނެރެވިފައެއް ނުވެއެވެ.

މި އިންތިހާބު އާޒިމް ކާމިޔާބުކުރެއްވުމާއި އެކު ޑިމޮކްރެޓްސް އުފެއްދެވުމުގައި އިސްކޮށް ހުންނެވި ކުރީގެ ރައީސް މުހައްމަދު ނަޝީދު ވަނީ އާޒިމް އަށް މަރުހަބާ ދަންނަވާފައި އެވެ.

މިއަދު މިއަދު ކުރިޔަށް ގޮސްފައިވަނީ މ. މަޑުއްވަރި ރަށު ކައުންސިލް ރައީސްއާއި ނ. ނިލަންދޫ, ނ. ވެލިދޫ, ހއ. ތަކަންދޫ އަދި ހއ. އުތީމު ކައުންސިލްގެ ބައި އިލެކްޝަނެވެ.