ފުލުހުންގެ ޗީފް އިންސްޕެކްޓަރަކު ކުއްލިގޮތަކަށް ނިޔާވެއްޖެ
އަލްފާ އަލީ
4/28/2024, 9:19:17 AM
--
ފުލުހުންގެ ޗީފް އިންސްޕެކްޓަރު މުހައްމަދު ޒިޔާދު ކުއްލި ގޮތަކަށް ނިޔާވެއްޖެއެވެ.
'އެކްސް' ގައި ޒިޔާދުގެ ފޮޓޯއެއް ހިއްސާކުރުމަށް ފަހު ފުލުހުން މިއަދު ކުރި ޕޯސްޓެއްގައި ބުނީ، ޒިޔާދު ނިޔާވެފައިވަނީ މިއަދުގެ ވަގުތެއްގައި ކަމަށެވެ.
އޭނާ ނިޔާވުމާ ގުޅިގެން ފުލުހުން ނެރުނު ތައުޒިޔާގެ މެސެޖްގައި ޒިޔާދުގެ އާއިލާ އަށް ޕޮލިސް ކޮމިޝަނަރު އަލީ ޝުޖާއު އާއި ފުލުހުންގެ ހުރިހާ މުވައްޒަފުންގެ ނަމުގައި ވަނީ ތައުޒިޔާ ފޮނުވައިފައެވެ.
ޒިޔާދުގެ މަރާ ގުޅޭ އެއްވެސް ތަފުސީލެއް ފުލުހުން ހާމައެއް ނުކުރެ އެވެ.