އީރާނުން އިސްރާއީލަށް ދިން ހަމަލާތަކަށް "އޮޕަރޭޝަން ޓްރޫ ޕްރޮމިސް" ގެ ނަމުން ނަންދީފި

އީރާނުން އިސްރާއީލަށް ދިން ހަމަލާތަކަށް "އޮޕަރޭޝަން ޓްރޫ ޕްރޮމިސް" ގެ ނަމުން ނަންދީފިއެވެ.

އީރާނުން އިސްރާއީލަށް ބެލިސްޓިކް މިސައިލް އަދި ޑްރޯން ހަަމަލާތަކެއް ފޮނުވާލާފައިވާއިރު, މިރޭ އިސްރާއީލަށް ދީފައިވާ ހަމަލާތަކަކީ އިސްރާއީލުން ތަކުރާރުކޮށް ހިންގާ ޖަރީމާތަކާ ގުޅިގެން ދިން ހަމަލާތަކެއް ކަމަށާއި, އޭގެ ތެރޭގައި އީރާނުގެ ކޮންސިއުލޭޓަށް އަމާޒުކޮށް މިމަހުގެ 1 ވަނަ ދުވަހު ދިން ހަމަލާވެސް ހިމެނޭ ކަމަށެވެ.

އީރާނުން ވަނީ ސީރިޔާގައި ހުންނަ އެގައުމުގެ ކޮންސިއުލޭޓަށް ހަމަލާދީ އީރާނުގެ އިސް އޮފިޝަލުންތަކެއް މަރާލުމާއި ގުޅިގެން އެކަމުގެ ބަދަލު ހިފާނެ ކަމަށް ވައުދުވެފައެވެ. އިސްރާއީލަށް ހަމަލާދިނުމަށް ޑްރޯންތަކާއި މިސައިލްތައް ފޮނުވާލުމަށްފަހު އީރާނުން ނެރުނު ރަސްމީ ބަޔާނެއްގައި ވަނީ އެ ހަމަލާތަކުގެ ނަަމަކީ "އޮޕަރޭޝަން ޓްރޫ ޕްރޮމިސް" ކަމަށް ބުނެފައެވެ.

އެ ބަޔާނުގައި ވަނީ, އިސްރާއީލުގެ އަމާޒުތަކަކަށް އެތައް ސަތޭކަ މިސައިލާއި ޑްރޯން ފޮނުވާލާފައިވާ ކަން ކަށަވަރުކޮށްދީފައެވެ.