އެމްބިއުލާންސަކާއި ސައިކަލެއް ޖެހި ނުރައްކާތެރި އެކްސިޑެންޓެއް!
އަހުމަދު ޝުރާއު
4/10/2024, 6:45:14 AM
ހުޅުމާލޭގައި ހިނގި އެކްސިޑެންޓު
ހުޅުމާލޭގައި އެމްބިއުލާންސްއަކާ ސައިކަލެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.
މި އެކްސިޑެންޓާއި ގުޅިގެން ފުލުހުންގެ މީޑިއާ އޮފިޝަލް ވިދާޅުވީ ރޭ 03:21 ހާއިރު ފޭސް 2 ހިތިގަސް މަގު، ފިތުރޯނު މާ ހިންގުން ގުޅޭ ކަންމަތިން އެކްސިޑެންޓެއް ވެގެން އުޅޭ ކަމަށް ފުލުހުންނަށް މައުލޫމާތު ލިބުނު ކަމަށެވެ. މިއާި އެކު ފުލުހުން ސީންއަށް ދިޔައިރު ހިތިގަސް މަގުން އުތުރުން ދެކުނަށް އައިސް ފިތުރޯނު މާ ހިނގުމުން އަޅަން އުޅުނު އެމްބިއުލާންސްގައި ހިތިގަސް މަގުން ދެކުނުން އުތުރަށް ދުއްވާފައި އައި ސައިކަލް ޖެހިފައި އެކްސިޑެންޓްވެފައިވާ ކަމަށެވެ.
ފުލުހުން ބުނީ އެކްސިޑެންޓު ހިނގި ކަމަށް ބެލެވެނީ ސައިކަލު އޯވަރ ޓޭކް ކުރަން އުޅުމުގެ ތެރޭގައި އެމްބިއުލާންސްގައި ޖެހިގެން ކަމަށެވެ.
އަދި ސައިކަލް ދުއްވި ފަރާތް މަގު މައްޗަށް ވެއްޓިފައި އޮތް ކަމަށާއި އޭނާގެ ހޭ ނެތް ކަމަށާއި އޭނާއަށް ހުޅުމާލެ ހޮސްޕިޓަލުގައި ފަރުވާ ދެމުންދާ ކަމަށް ވެސް ފުލުހުން ބުންޏެވެ.
މި އެކްސިޑެންޓްގައި ސައިކަލަށް ބޮޑެތި ގެއްލުންތައް ވަނީ ލިބިފައިވާއިރު ފުލުހުންް ދަނީ މިހާރު މި މައްސަލަ ތަހުގީގު ކުރަމުންނެވެ.