ރައީސްގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ --
ކުރީގެ ރައީސް އަބްދުﷲ ޔާމީންގެ އަރިހުގައި މިހާރު ތިއްބެވީ އެމަނިކުފާނަށް އިހުލާސްތެރި ބައެއް ނޫން ކަމަށް ކޮންގްރެސް ކޯލިޝަނުން ބުނެފި އެވެ.
ކޮންގްރެސް ކޯލިޝަނުގެ ލީޑަރޝިޕްގެ ބޭފުޅުން މިއަދު ބޭއްވު ޕެނަލް ޑިސްކަޝަންއެއްގައި އެ ކޯލިޝަނުން ވަނީ ރައީސް ޔާމީންގެ އަރިހުގައި މިހާރު ތިއްބެވި މީހުންގެ އިހުލާތެރިކަމާ މެދު ސުވާލު އުފައްދަވާފައެވެ.
މިގޮތުން ރައީސް ޔާމީން އަރިހުގައި މިހާރު އިސްކޮށް އުޅުއްވާ އެމަނިކުފާނުގެ އިސް ޤާނޫނީ ވަކީލް ޑރ. މުޙައްމަދު ޖަމީލް އާއި އެމްޑީޕީ ސަރުކާރުގެ ޓެކްނޮލޮޖީ މިނިސްޓަރ މުހައްމަދު މަލީހު ޖަމާލް، އެކި ޕްލެޓްފޯމްތަކުގައި ރައީސް ޔާމީން އަށް ފާޑިވިދާޅުވިކަން ފާހަގަކުރެއްވި އެވެ.
މީގެ އިތުރުން ކުރީގެ ޕޮލިސް ކޮމިޝަނަރު ހުސެއިން ވަހީދުއަކީވެސް ރައީސް ޔާމީންއަށް ހެޔޮއެދިވަޑައިގަންނަވާ މީހެއް ނޫން ކަމަށް މި މަޝްވަރާގައި ކޮންގްރެސް ޕާޓީން ބުނެފައިވެއެވެ.
އެ ޕެނަލްގައި އަބްދުއްރަހީމް، ފިޝަރީޒް މިނިސްޓަރު އަހުމަދު ޝިޔާމް، ލޯކަލް ގަވަމަންޓު މިނިސްޓަރު އާދަމް ޝަރީފު، އެޗްޑީސީގެ އެމްޑީ އިބްރާހިމް ފަޒުލް ރަޝީދު އަދި މާލެ ސިޓީ ކައުންސިލަރު އިބްރާހިމް ޝުޖާއުގެ އިތުރުން އޭދަފުށީ ދާއިރާގެ މެންބަރު އަހުމަދު ސަލީމް ބައިވެރިވެވަޑައިގެންނެވިއެވެ. ޕެނަލް މޮޑަރޭޓް ކުރެއްވީ ޕީއެންސީގެ ތަރުޖަމާނު އަދި އެންސްޕާގެ ސީއީއޯ ހީނާ ވަލީދުއެވެ.
ރައީސް ޔާމީން އިސްވެ ހުންނަވައި މިހާރު ޕީޕަލްސް ނޭޝަނަލް ފްރޮންޓް (ޕީއެންއެފް) ނަމުގައި ސިޔާސީ ޕާޓީއެއް އުފެއްދުމުގެ މަސައްކަތް އަންނަނީ ކުރައްވަމުންނެވެ. އެމަނިކުފާނާއެކު މި މަސައްކަތުގައި އިސްކޮށް އުޅުއްވާ މީހުންގެ ތެރޭގައި އެމަނިކުފާނުގެ ދަރިކަލުން ޒޭން ޔާމީންއާއި މަލީހުއާއި، ޖަމީލް ހިމެނެއެވެ.
ފަހުގެ
