ސީރިއާގައި ހުންނަ އީރާނުގެ އެމްބަސީއަށް އިސްރާއީލުން ދިން ހަމަލާއަށްފަހު އެސަރަހައްދުގައި އާންމުންނާއި ފުލުހުން ހަރަކާތްތެރިވަނީ
އިސްރާއީލުގެ އެއްވެސް އެމްބަސީއަކަށް މިހާރު ރައްކާތެރިކަމެއް ނޯންނާނެ ކަމަށް އީރާނުގެ އެންމެ މަތީ ލީޑަރު އާޔަތުالله އަލީ ޚާމަނާއީގެ ސީނިއާ އެޑްވަރިޒަރު ޔަހްޔާ ރަހީމް ސަފާވީ ވިދާޅުވެއްޖެއެވެ.
އަދި އިސްރާއީލާ ކުރިމަތިލުމަކީ ގާނޫނީ ހައްގެއް ކަމަށް ތެހެރާނުން ދެކޭ ކަމަށް އޭނާ ވިދާޅުވި އެވެ. އީރާނުގެ ސެމީ އޮފިޝަލް އިސްނާ އިން އާންމުކުރި ގްރެފިކެއްގައި ވަނީ އިސްރާއީލަށް ހަމަލާ ދިނުމުގެ ގާބިލްކަން ހުރި ތަފާތު ނުވަ ވައްތަރެއްގެ އީރާނުގެ މިސައިލް ދައްކާލާފައެވެ.
ސަފާވީ މިހެން ވިދާޅުވެފައި މިވަނީ ސީރިއާގެ ވެރިރަށް ދިމިޝްގުގައި ހުންނަ އީރާނުގެ ކޮންސިއުލޭޓަށް މިދިޔަ ހަފުތާގައި އިސްރާއީލުން ދިން ހަމަލާއެއްގައި އީރާނުގެ ރިވޮލިއުޝަނަރީ ގާޑުގެ ހަތް މެމްބަރަކު ޝަހީދުކޮށްލާފައިވާ ދަނޑިވަޅެއްގައެވެ. އެހަމަލާއަށްފަހު އިސްރާއީލު އޮތީ ހައި އެލާޓްގަ އެވެ.
ތެހެރާނުން ވަނީ އެކަމުގެ ބަދަލު ހިފާނެ ކަމަށް ވައުދުވެފަ އެވެ. އިސްރާއީލުގެ ދިފާއީ ވަޒީރު މީގެ ކުރިން ވިދާޅުވެފައިވަނީ އީރާނާ އެކު އުފެދިދާނެ ކޮންމެ ހާލަތަކާ ކުރިމަތިލާން ތައްޔާރަށް އޮތް ކަމަށް ބުނެފައެވެ.
ފަހުގެ
