ހުޅުމާލެ ފޭސް 3 ގެ 15 ހެކްޓަރު ބިން ހިއްކައިފި

ހުޅުމާލޭގެ 3 ވަނަ ފިޔަވަހީގެ 15 ހެކްޓަރުގެ ބިން ހިއްކާ ނިމިފައިވާކަަމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވިދާޅުވެއްޖެ އެވެ.

އެޗްޑީސީން މިއަދު ވިދާޅުވީ، ހުޅުމާލެ 3 ވަނަ ދިޔަވަހީގެ ބިން ހިއްކުމުގެ މަސައްކަތް ހަލުވިކަމާއެކު ކުރިއަށްދާކަމަށާއި، މި މަސައްކަތުގެ ތެރެއިން މިހާތަނަށް 15 ހެކްޓަރު ބިން ހިއްކާ ނިމިފައިވާ ކަމަށެވެ.

ހުޅުމާލެ 3 ވަނަ ފިޔަވަހީގެ ބިން ހިއްކުމުގެ މަސައްކަތުގެ ދަށުން ޖުމްލަ 63 ހެކްޓަރު ބިން ހިއްކުމަށް ވަނީ ހަމަޖެހިފައެވެ.

ހުޅުމާލެއިން އަލަށް ހިއްކާ ބިމުގައިގައި ގެދޮރުވެރިކަމުގެ ބޭނުންތަކާއި، އިންޑްސްޓްރިއަލް ބޭނުންތަކާއި، މެރީނާގެ ބޭނުމަށް ބިން ބޭނުންކުރާނެ ކަމަށް އެޗްޑީސީން ވަނީ ބުނެފައެވެ.