ހުޅުމާލޭގައި ހިނގި އެކްސިޑެންޓެއްގައި އުމުރުން ދުވަސްވީ މީހަކަށް އަނިޔާވެ ފަރުވާދެނީ
އައިޝަތު އިފާޝާ
3/23/2024, 5:15:00 AM
ހުޅުމާލޭގެ މަގެއް - ފޮޓޯ: ވަން އޮންލައިން
ހުޅުމާލޭގައި ހިނގި އެކްސިޑެންޓެއްގައި އުމުރުން ދުވަސްވީ މީހަކަށް އަނިޔާވެ ފަރުވާދޭން ފަށައިފިއެވެ.
ފުލުހުން ވިދާޅުވީ, ހުޅުމާލޭ ފޭސް އެކެއްގެ ގާޒީ ސްކޫލް ކައިރިން ހިނގާފައި ދިޔަ މީހެއްގެ ގައިގައި ސައިކަލަކުން ޖެހި އެކްސިޑެންޓެއް ވެފައިވާ މައްސަލައެއް ރޭ 21:15 އެހާކަންހާއިރު ފުލުހުންނަށް ހުށަހަޅާފައިވާ ކަމަށެވެ.
ރޭ ހިނގި މިއެކްސިޑެންޓްގައި އަނިޔާވެފައިވަނީ އުމުރުން 74 އަހަރުގެ ދިވެހި ފިރިހެނަކަށެވެ. އެމީހާއަށް ހުޅުމާލޭ ހޮސްޕިޓަލުގައި ފަރުވާދެމުންދާ ކަމަށް ފުލުހުން ވިދާޅުވިއެވެ.
މައުލޫމާތު ލިބިފައިވާ ގޮތުގައި އެކްސިޑެންޓްގައި އެމީހާގެ ބޮލުގެ ނާށިގަނޑަށް ވަނީ ގެއްލުންވެފައެވެ. ނަމަވެސް ލިބިފައިވަނީ ކިހާ ވަރެއްގެ ގެއްލުމެއް ކަމެއް އެނގިފައިނުވެއެވެ.
މި އެކްސިޑެންޓްގެ މައްސަލަ ފުލުހުން ގެންދަނީ ތަހުގީގު ކުރަމުންނެެވެ.