ހައިލެވެލް ކޯރ ގްރޫޕްގެ ތިންވަނަ ބައްދަލުވުން ބާއްވައިފި, އިންޑިއާ ސިފައިންގެ ދެވަނަ ޕްލެޓްފޯމް އަންނަ މަހު 10 ގެ ކުރިން ފޮނުވާލާނެ!

ދިވެހިރާއްޖެއާއި އިންޑިޔާއާ ދެމެދު އެކުލަވާލާފައިވާ ހައިލެވެލް ކޯރ ގްރޫޕްގެ ތިންވަނަ ބައްދަލުވުން މިއަދު ބާއްވައިފިއެވެ.

މި ބައްދަލުވުމަށްފަހު ފޮރިން މިނިސްޓްރީއިން މިރޭ ނެރުނު ބަޔާނެއްގައި ބުނީ މިއަދު އެމިނިސްޓްރީގައި ބޭއްވި ބައްދަލުވުމުގައި ދެ ފަރާތުން ވެސް ވަނީ ރާއްޖޭގެ އޭވިއޭޝަން ޕްލެޓްފޯމްތަކުގައި ތިބި އިންޑިއާގެ އަސްކަރިއްޔާގެ ސިފައިންގެ ބަދަލުގައި ބަދަލުގައި އާންމުން ގެނައުމުގައި ހޯދާފައިވާ ކުރިއެރުންތައް ފާހަގަކުރައްވާފައި ކަމަށެވެ.

މިހާތަނަށް މިފަދަ އެއް ޕްލެޓްފޯމެއްގައި ތިބި އަސްކަރިއްޔާގެ ސިފައިންގެ ބަދަލުގައި އާންމުން ގެނެސްފައިވާއިރު، ދެވަނަ ޕްެލެޓްފޯމުގެ ސިފައިން އަންނަ މަހުގެ 10 ވަނަ ދުވަހުގެ ކުރިން ފޮނުވާލަން ނިންމާފައިވާކަން ވެސް އެމިނިސްޓްރީއިން ވަނީ ހާމަކޮށްފައި އެވެ. އަދި ފަހު ޕްލެޓްފޯމުގައި ތިބި ސިފައިން މެއި މަހުގެ 10 ވަނަ ދުވަހުގެ ކުރިން ފޮނުވާލަން ނިންމާފައިވާކަންވެސް ވަނީ ހާމަކޮށްފައި އެވެ.

ހައިލެވެލް ކޯރ ގްރޫޕުން ވަނީ ދެޤައުމުގެ ދެމެދުގައި އިޤްތިޞާދީ ގޮތުންނާއި ތަރައްޤީގެ ދާއިރާއިން ގުޅުން ބަދަހިކުރުމުގެ ގިނަ ދާއިރާތަކެއް ކަވަރުކޮށް، ދާދިފަހުން ނިމުނު ކެޕޭސިޓީ ބިލްޑިންގ ޕްރޮގްރާމްތައް ފާހަގަކުރައްވާފައެވެ. މީގެ އިތުރުން، ދެޤައުމުގެ ދެމެދުގައި ގުޅުން ބަދަހިކުރުމާ ބެހޭގޮތުން ވެސް ވަނީ މަޝްވަރާކޮށްފައިކަން ބަޔާނުގައި ފާހަގަކޮށްފައިވެއެވެ.

ހައިލެވެލް ކޯރ ގްރޫޕްގެ ހަތަރު ވަނަ ބައްދަލުވުން ދެގައުމުން އެއްބަސްވާ ތާރީހެއްގައި އިންޑިއާގެ ވެރިރަށް ނިއު ދިއްލީގައި ބާއްވަންވެސް ވަނީ މިއަދުގެ ބައްދަލުވުމުގައި ނިންމާފައި އެވެެ.