އާސިފާ
ޕާކިސްތާނުގެ ފަސްޓް ލޭޑީއަކަށް މީގެ 4 ދުވަސްކުރިން އެގައުމުގެ ރައީސްކަމުގެ ހުވާ ކުރެއްވި އާސިފް އަލީ ޒަރުދާރީ ގެ ދަރިކަލުން އައްޔަނުކުރަން ނިންމާފައިވާ ކަމަށް ރިޕޯޓްތައް ބުނެފި އެވެ.
އާންމުކޮށް ގައުމެއްގެ ފަސްޓްލޭޑީއަށް ވެވަޑައިގަންނަވަނީ އެގައުމެއްގެ ރައީސްގެ އަނބިކަނބަލުންނެވެެ. ނަމަވެސް ދާދި ފަހުން ވެރިކަމާއި ހަވާލުވެވަޑައިގެންނެވި ޕާކިސްތާނުގެ ރައީސް އާސިފްގެ އަނބިކަނބަލުން ބޭނަޒީރު ބުއްޓޫ ވަނީ 2007 ވަނަ އަހަރު އަވަހާރަކޮށްލާގައި އެވެ. އެކަމަނާ އަވަހާރަކޮށްފައިވަނީ ބަޑިން ދިން ހަމަލާއެއްގައި އެވެ.
ރައީސް އާސިފްގެ އަނބިކަނބަލުން ބޭނަޒީރު ބުއްޓޫއަކީ ޕާކިސްތާނުގެ ބޮޑު ވަޒީރުކަންވެސް މީގެ ކުރިން ކުރިން ދެ ދައުރުގެ މަތިން ކުރެއްވި ބޭކަނބަލެކެވެ. ބޭނަޒީރު އަވަހާރަވެވަޑައިގަތުމުން ފިރިކަލުން ރައީސް އާސިފް އިތުރު ބައިވެންޏެއް ބައްލަވައިގެންފައި ނުވެއެވެ.
މިއާއި އެކު ރައީސް އާސިފް ވެރިކަމާއި ހަވާލުވެވަޑައިގެންނެވި އިރު ފަސްޓް ލޭޑީއަކަށް ބޭކަނބަލު އައްޔަނުވެފައި ނުވުމުން މިހާރު ފަސްޓް ލޭޑީއަކަށް އެމަނިކުފާނާއި އަނބިކަނބަލުން ބޭނަޒީރު އަށް ލިބިވަޑައިގެންނެވި ދަރިންގެ ތެރެއިން އެންމެ ހަނގު ދަރިކަނބަލުން އަސީފާ ބުއްޓޫ ޒަރުދާރީ ފަސްޓް ލޭޑީއަކަށް އައްޔަނުކުރެއްވުމަށް ނިންމަވާފައިވާކަމަށް ރިޕޯޓުތައް ބުނެއެވެ.
އަސީފާ ފަސްޓް ލޭޑީއަކަށް އައްޔަނުކުރެއްވުމަށްފަހު އެގައުމުގެ ފަސްޓް ލޭޑީންއަށް ލިބޭ ހުރިހާ އިނާޔަތަކާއި މަސްއޫލިއްޔަތުތައް އެގައުމުގެ ސަރުކާރުން އާސިފާއަށް ދޭނެ ކަން ކަށަވަރުވެފައިވާކަމަށް ރިޕޯޓުތައް ބުނެއެވެ. މިކަން އެގައުމުގެ އިސް އޮފިޝަލުންވެސް ކަށަވަރުކޮށްދީފައިވާ ކަމަށް ވެސް ރިޕޯޓުތައް ބުނެއެވެ.
މީގެ ކުރިންވެސް މަދު ގައުމުތަކެއްގައި ރައީސްގެ އަނބިކަނބަލުން ނޫން މީހުންނަށް ފަސްޓް ލޭޑީގެ ލަގަބާއި މަސްއޫލިއްޔަތުތައް ދީފައި އެބަހުއްޓެވެ.
ފަހުގެ
