ހުޅުމާލޭގައި ނުރައްކާތެރި އެކްސިޑެންޓެއް ހިނގައިފި
އަހުމަދު ޝުރާއު
2/23/2024, 7:47:26 PM
ހުޅުމާލޭގައި މިރޭ ހިނގި އެކްސިޑެންޓު
ހުޅުމާލޭގައި ނުރައްކާތެރި އެކްސިޑެންޓެއް ހިނގައިފި އެވެ.
މައުލޫމާތު ލިބިފައިވާ ގޮތުގައި އެކްސިޑެންޓު ހިނގާފައިވަނީ ބާރު ސްޕީޑުގައި ދުއްވާފައި އައި ކާރެެއް ކޮންޓްރޯލުން ނެއްޓިގެން ގޮސް މަގުގެ އަރިމަތީގައި ހުރި ގަސްތަކެއްގައި ޖެހިގެންނެވެ.
މި އެކްސިޑެންޓު ހިނގާފައިވަނީ ހުޅުމާޅެއިން ހައިވޭއަށް އަރާ ސަރަހައްދުގައި އެވެ.
މިހާރު މީސް މީޑިއާގައި ދައުރުވަމުންދާ ވީޑީއޯއަކުން ފެންނަ ގޮތުގައި ކާރަށް ބޮޑެތި ގެއްލުންތަކެއް ވަނީ މި އެކްސިޑެންޓުގައި ލިބިގެން ގޮސްފައި އެވެެ. ނަމަވެސް މި އެކްސިޑެންޓުގައި އެއްވެސް މީހަކަށް ގެއްލުމެއް ލިބުނު ކަމެއް އަދި ޔަގީން ކުރެވިފައެއް ނުވެއެވެ.
މި އެކްސިޑެންޓް ހިނގި ސަރަހައްދުގައި ފުލުހުން މިހާރު އަންނަނީ ހަރަކާތްތެރިވަމުންނެވެ.