ތިނަދޫއަށް ހަގީގީ ސިޓީއެއްގެ ދަރަޖަ ގެނެވުނީ މޭޔަރު ސައުދުގެ ބުރަ މަސައްކަތުން - ވަޒީރު
އައިޝަތު އިފާޝާ
2/20/2024, 4:43:46 PM
މިނިސްޓަރ އޮފް ސިޓީސް, ލޯކަލް ގަވަރމަންޓް އެންޑް ޕަބްލިކް ވޯރކްސް އާދަމް ޝަރީފް އުމަރު
ތިނަދޫ ސިޓީއަށް ހަގީގީ ސިޓީއެއްގެ ދަރަޖަ ގެނެވުނީ މޭޔަރު ސައުދު އަލީގެ ބުރަ މަސައްކަތުން ކަމަށް މިނިސްޓަރ އޮފް ސިޓީސް, ލޯކަލް ގަވަރމަންޓް އެންޑް ޕަބްލިކް ވޯރކްސް އާދަމް ޝަރީފް އުމަރު ވިދާޅުވެއްޖެއެވެ.
އާދަމް ޝަރީފް މިހެން ވިދާޅުވީ, ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ތިނަދޫއަށް ވަޑައިގެން ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައެެވެ.
ވަޒީރުގެ ވާހަކައިގައި ވަނީ ކުރީ ސަރުކާރުން ތިނަދޫއަށް ސިޓީއެއްގެ ދަރަޖަ ދެއްވާފައިވީ ނަމަވެސް އެ ސިޓީއަށް ހަގީގީ ސިޓީއެއްގެ ދަރަޖަ ދެވުނީ ސިޓީގެ މޭޔަރު ސައުދު އަލީގެ ބުރަ މަސައްކަތުން ކަން ފާހަގަކުރައްވައި ސައުދުގެ މަސައްކަތަށް ޝުކުރު ދަންނަވާފައެވެ.
އަދި ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ އިރުޝާދުގެ ދަށުން ސައުދު ކުރެއްވި މަސައްކަތަކީ ރައްޔިތުންގެ ލާބައާއި މަންފާއަށް ކުރަން ޖެހުނު ކޮންމެ ކަމެއް ކުރުމަށް މޭޔަރު ތައްޔާރަށް ހުރިކަން ހާމަވާ ކަމެއް ކަމަށް ވަޒީރު ވިދާޅުވިއެވެ.