ގައްދޫ ޓީމުގެ ކޯ ސްޕޮންސަރުންގެ ގޮތުގައި ބުރުގެ އިތުރުން ސަސް

ރާއްޖޭގައި ބާއްވާ އެންމެ ބޮޑު ފުޓްސަލް މުބާރާތް "ގޯލްޑަން ފުޓްސަލް ޗެލެންޖު 2024″ ގައި ވާދަކުރާ ގދ. ގައްދޫ ފުޓްސަލް ޓީމުގެ ކޯ ސްޕޮންސަރެއްގެ ގޮތުގައި ސްޕަަރ ޔުނައިޓެޑް ސްަޕޯޓްސް (ސަސް) ގެ އިތުރުން ބުރު ސްޕޯޓްސް ކުލަބު ހަމަޖައްސައިފިއެވެ

ގައްދޫ ފުޓްސަލް ޓީމުގެ ފަރާތުން ގާފު ސްޕޯޓްސް އަށް މައުލޫމާތު ދެއްވަމުން މެނޭޖަރ އަލީ މުއައްވަޒު ވިދާލުވީ ގައްދޫ ފުޓްސަލް ޓީމުގެ ކޯ ސްްޕޮންސަރުން ގެ ގޮތުގައި ބުރުގެ އިތުރުން ސަސް ހަމަޖެހިގެން ދިއުމަކީ މުބާރާތައް ތައްޔާރުވުމަށް ޓީމަށް ލިބިގެންދިޔަ ވަރަށް ބޮޑު ހިތްވަރެއް ކަމަށެވެ. މުބާރާތައް ތައްޔާރުވުމުގައި މި ދެކުލަބުގެ ފަރަާތުން އަޅުގަނޑުމެންނަށް ވަރަށް ބޮޑު އެހީތެރިކަމެއް ލިބިގެން ގޮސްފައިވަނީ..

ފުރަތަަމަ ޑިވަިޝަނުގެ ބޮޑު ދެކުލަބެއްގެ ފަރާތުން ފެނިގެން މިދިޔައީ ރާއްޖޭގެ ބޮޑެތި އެހެން ކުލަބުތަކަށް ނަމޫނާއެއް ގެ ގޮތުގައި އަޅުގަނޑުމެން ދެކެނީ ... އަޅުގަނޑުމެން ޓީމުގެ ފަރާތުންނާއި ގައްދޫގެ ރައްޔިތުންގެ ނަމުގައި މި ދެކުލަބުގެ ވެރީންނަށް މިފުރުސަތުގައި ވަރަށް އިޚްލާޞްތެރިކަމާއެކީ ޝުކުރު ދަންނަވަން..

މިއީ މިމުބާރާތުގައި ގައްދޫ ފުޓްސަލް ޓީމު ވާދަކުރާ ފަސްވަނަ ފަހަރެވެ. އަދި މިދިޔަ އަހަރުގެ މުބާރާތުގެ އަތޮޅު ފައިނަލުގައި އެޓީމު ވާދަކޮށްފައި ވާއިރު، މިއަހަރުގެ މުބާރާތަށް ތައްޔާރުވުމުގެ ގޮތުން އެޓީމުން ވަނީ ދުރާލައި ރަނގަޅު ސްކޮޑެއް އެކުލަވާލުމަށްފަހު, މިދިޔަ ޑިސެމްބަރު މަހު މާލޭގައި ބޭއްވުނު ޓެކާސް ގްރޭޓަރ މާލޭ ކަޕްގައި ވާދަކޮށްފައެވެ.

މިއަހަރު މުބާރާތުގެ އަތޮޅު ބުރުގައި ގައްދޫގެ އިތުރުން ދެން ހިމެނެނީ ތިނަދޫ، ވާދޫ އަދި ހޯނޑެެއްދޫ އެވެ. އަދި މުބާރާތުގެ ކުޅުން ޖެނުއަރީމަހުގެ 15 ގައި ފެށިފައި ވާއިރު، ގދ. އަތޮޅު ބުރުގެ ފުރަތަމަ މެޗުގައި މިއަދު ހަވީރު 17:00 ގައި އެޓީމުން ނުކުންނާނީ ހޯނޑެެއްދޫ ޓީމާއި ދެކޮޅަށެވެ.

މިއަހަރުގެ ގޯލްޑަން ފުޓްސަލް ޗެލެންޖުގައި ވާދަކުރާ ގައްދޫ ފުޓްސަލް ޓީމުގެ މެއިން ސްޕޮންސަރ އަކީ އަލް ޝާލީ މެރިން މޯލްޑިވްސް އެވެ. އަދި ކޯ ސްޕޮންސަރުންގެ ގޮތުގައި ޒީރޯރާ އޮޓޯ ސާވިސް، ކައުރީ ބްރޭންޑް، ސްޕަރ ޔުނައިޓެޑް ސްޕޯޓްސް ގެ އިތުރުން ބުރު ސްޕޯޓްސް ކުލަބު ހަމަޖައްސާފައި ވާއިރު، ގައްދޫ ޓީމުގެ މީޑިއާ ޕާޓްނަރަކީ ގާފު ސްޕޯޓްސް އެވެ.