ރާއްޖޭގައި ބާއްވާ އެންމެ އަގުބޮޑު ފުޓްސަލް މުބާރާތް މިއަހަރު ނޮވެމްބަރު މަހު ގައްދޫގައި

ރާއްޖޭގައި މިހާތަނަށް ބާއްވާ އެންމެ އަގުބޮޑު ފުޓްސަލް މުބާރާތް މިއަހަރުގެ ނޮވެމްބަރު މަހުގެ 11 ވަނަ ދުވަހު ގދ. ގައްދޫގައި ބޭއްވުމަށް އެރަށުގެ ކައުންސިލުން ނިންމައި އެކަން އިއުލާންކޮށްފި އެވެ.

ގައްދޫ ކައުންސިލުން މިއަދު އާންމުކުރި އިއުލާނެއްގައި ވާގޮތުން ގައްދޫގައި އެންމެ ފަހުން ބޭއްވުނު ކައުންސިލްގެ ފުޓްސަލް ދެ މުބާރާތަކީ ވެސް އަތޮޅު ފެންވަރުގައި ފާހަގަ ކޮއްލެވޭ ދެ މުބާރާތް ކަމަށާއި، އެހެންކަމުން ގައްދޫ ކައުންސިލުގެ މީިހާރުގެ އަމާޒަކީ "ގައްދޫ ފުޓްސަލް ޗެލެންޖު 2024" އަކީ ރާއްޖޭގެ ފެންވަރުގައި ވެސް ފާހަގަކޮއްލެވޭ ފަދަ ފެންވަރު ރަނގަޅު އަގުބޮޑު މުބާރާތަކަށް ހެދުމެވެ.

އެގޮތުން މިއަހަރުގެ މުބާރާތުގައި ވެސް ތިން ޑިވިޝަން ކުރިއަށް ގެންދިއުމަށް ހަމަޖެހިފައިވާ އިރު، ޗެންޕިއަން ޓީމާއި ރަނަރަޕް ޓީމަށް ހުށަހަޅާފައިވާ ފައިސާގެ އިނާމު ވަނީ ބޮޑުތަނުން އިތުރުކޮށްފައެވެ. އަދި މީގެ އިތުރުން މިއަހަރުގެ މުބާރާތުގައި މުޅިން އަލަށް ފެއާޕްލޭ ޓީމަށް ފައިސާގެ އިނާމު ދިނުމަށް ވެސް ގައްދޫ ކައުންސިލުން ވަނީ ނިންމާފައެވެ.

މުބާރާތުގެ ޑިވިޝަން ތަކާއި ހުށަހަޅާފައިވާ ފައިސާގެ އިނާމުތައް:

ފިރިހެން ޑިވިޝަން

ޗެންޕިއަން ޓީމް 155،000 ފުރިޔާ

ރަނަރަޕް ޓީމް 80,000 ރުފިޔާ

ފެއާޕްލޭ ޓީމް 40,000 ރުފިޔާ

އަންހެން ޑިވިޝަން

ޗެންޕިއަން ޓީމް 30,000 ރުފިޔާ

ރަނަރަޕް ޓީމް 15,000 ރުފިޔާ

ފެއާޕްލޭ ޓީމް 5,000 ރުފިޔާ

ޖޫނިއަރ ޑިވިޝަން ( 13 އަހަރާއި 17 އަހަރުން ދަށުގެ ކުދިން )

ޗެންޕިއަން ޓީމް 20,000 ރުފިޔާ

ރަނަރަޕް ޓީމް 10,000 ރުފިޔާ

ފެއާޕްލޭ ޓީމް 5,000 ރުފިޔާ