ކ. އަތޮޅުން ފެށިގެން އައްޑޫ ސިޓީއަށް ނެރުނު ހުދު ސަމާލު ދަމަހައްޓައިފި
އަޙްމަދު ޖަމީލު
11/6/2022, 11:04:40 AM
White Alert
މޫސުން ގޯސްވާނެ ކަމަށް ލަފާކޮށް، ކ. އަތޮޅުން ފެށިގެން އައްޑޫ ސިޓީއާ ހަމައަށް ނެރުނު ހުދު ސަމާލު ދަމަހައްޓާފިއެވެ.
މޫސުމާބެހޭ ގައުމީ އިދާރާއިން ކ. އަތޮޅުން ފެށިގެން އައްޑޫސިޓީއާ ހަމައަށް ހުދު ސަމާލު ނެރެފައި ވަނީ، މިއަދު ހެދުނު 10:15 އިން ފެށިގެން މެންދުރު 2:00 އާއިހަމައަށެވެ.
މި މުއްދަތުގައި މި ސަރަހައްދުގައި ހިމެނޭ ރަށްތަކަށް އުދަ އަރާނެ ކަމަށްވެސް މޫސުމާބެހޭ ގައުމީ އިދާރާއިން ވަނީ ލަފާކޮށްފައެވެ.
އުދައިގެ އަސަރުކުރަމުންދާ ސަރަހައްދުތަކުގައި ޕާކު ކުރެވިފައިވާ އެއްގަމު އުޅަނދު ފަހަރާއި އުދަ އަރާ ސަރަހައްދުތަކުގައި ހިންގާ ކެފޭ އަދި ރެސްޓޯރަންޓްތައް، އުދައިގެ ސަބަބުން ލިިބިދާނޭ ގެއްލުން ކުޑަކުރުމަށް ރައްކާތެރިކަމުގެ ފިޔަވަޅުއެޅުއްވުމަށް ނޭޝަނަލް ޑިޒާސްޓަރ މެނޭޖްމަންޓް ސެންޓަރުންވެސް ވަނީ އިލްތިމާސްކުރައްވާފައެވެ.