ރާއްޖޭގެ އުތުރަށް ރީނދޫ ސަމާލު، ކުދި އުޅަނދުފަހަރު ދުއްވުން މަނާ!

މޫސުން ގޯސްވާނެ ކަމަށް ލަފާކޮށް މޫސުމާބެހޭ ގައުމީ އިދާރާއިން ރާއްޖޭގެ އުތުރަށް ރީނދޫ ސަމާލު ނެރެފި އެވެ.

މޫސުމާ ބެހޭ ގައުމީ އިދާރާއިން ރީނދޫ ސަމާލު ނެރެފައިއިވަނީ ހއ. އަތޮޅުން ފެށިގެން ބ. އަތޮޅަށް މިއަދު މެންދުރު 2:30 އިން ފެށިގެން އިރުއޮއްސި 6:30 އާ ހަމައަށެވެ.

އެއިދާރާއިން ބުނީ، ބޯކޮށް ވާރޭވެހި ގުގުރުން އެކަށީގެންވާ ކަމުގައިއެވެ. އަދި ގަޑިއަކު 19 މޭލާއި 24 މޭލާ ދެމެދުގެ ބާލުމިނުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިބާރުވާނެކަމަަށްވެސް މޫސުމާ ބެހޭ ގައުމީ އިދާރާއިން ވަނީ ލަފާކޮށްފައެވެ.

ރީނދޫ ސަމާލު ނެރެފައިވާ ސަރަހައްދުތަކުގައި ނުވަ މީޓަރުން ދަށުގެ އުޅަނދު ފަހަރުގައި ފަސިންޖަރުން އުފުލުމާއި އަދި ސަލާމަތީ ހިދުމަތްދޭ ފަރާތްތަކެއްގެ އުޅަނދު ފިޔަވައި އެސައިޒްގެ އެހެން އުޅަނދެއް ދުއްވުން ވެސް މަނާ ވާނެއެވެ.