Police-shadow
ލަންކާގައި ހެކީގެ ގޮތުގައި ބެލުމުގެ ދަށަށް ގެނައި ސްކޫޓީއެއް ވިއްކާލި ފުލުހުންގެ ކޮންސްޓެބަލްއަކު ސަސްޕެންޑްކޮށް ހައްޔަރުކޮށްފި އެވެ.
މިރިހާނާ ފުލުހުން ބުނީ ފުލުހުންގެ ކޮންސްޓަބަލް ހައްޔަރުކޮށްފައިވަނީ މަސްތުވާތަކެތީގެ ވިޔަފާރިކުރާ މީހަކަށް ސްކޫޓަރު ވިއްކާލި ކަމުގެ ތުހުމަތުގައި ކަމަށެވެ.
މި ސައިކަލަކީ ޓްރެފިކް ކުށެއްގެ ތުހުމަތުގައި ފުލުހުންގެ ބެލުމުގެ ދަށަށް ގެނެސް ކޯޓަށް ހާޒިރުކޮށް ކޯޓު މުދަލެއްގެ ގޮތުގައި ކަނޑައެޅުމަށްފަހު ޕޮލިސް ސްޓޭޝަނުގައި ބަހައްޓާފައިވާ ސައިކަލެކެވެ.
ޕޮލިސް ކޮންސްޓަބަލް އެ ސައިކަލު 10،000 ރުޕީސްގެ އަގަކަށް ވިއްކާފައިވާއިރު، ޕޮލިސް ސްޓޭޝަނުން ލޮރީއެއްގައި ވެހިކަލް ލޯޑްކޮށް އުފުލުމުގައި ވެސް އޭނާ ވަނީ އެހީތެރިކަން ފޯރުކޮށްދީފައެވެ.
ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން މިރިހާނާ ފުލުހުން ވަނީ ޕޮލިސް ކޮންސްޓަބަލްގެ ގާތް އެކުވެރިޔާ ސްކޫޓަރު ބޭނުންކޮށްގެން މަސްތުވާތަކެތީގެ ވިޔަފާރި ކުރާ މައްސަލައެއް ބަލަން ފަށައިފަ އެވެ.
ފުލުހުންގެ ބެލުމުގެ ދަށަށް ގެނެސް އެމީހާ ހައްޔަރު ކުރުމުން އޭނާ ބުނީ އޭނާ އެ ސްކޫޓަރު ގަތީ އެ ޕޮލިސް ކޮންސްޓަބަލްގެ އަތުން ކަމަށެވެ.
ފަހުގެ
