އިލެކްޝަންސް ކޮމިޝަން (އީސީ) ގެ މެމްބަރު ކަމަށް ކުރިމަތި ލުމަށް ރައީސް އޮފީހުން ފުރުސަތު ހުޅުވާލައިފި އެވެ.
އީސް އޮފީހުން މިއަދު ކުރި އިއުލާނުގައި ވަނީ ނޮވެމްބަރު 30 އަދި ޑިސެމްބަރު 1 އަދި ދެވަނަ ހެނދުނު 09:30 އިން މެންދުރު 12:30 އާ ދެމެދު ރައީސް އޮފީހުން އެ ކޮމިޝަނުގެ މެންބަރުކަމަށް ކުރިމަތިލުމަށް އެދި ހުށަހަޅާ ފޯމު ބަލައިގަންނާނެ ކަމަށް ވިދާޅުވެފައެވެ.
ރައީސް އޮފީހުން މިއަދު ބުނީ، އީސީގެ މެމްބަރަކު އިސްތިއުފާ ދެއްވާފައި ވާތީ ހުސްވެފައިވާ އެ މަގާމަށް ބޭފުޅަކު އައްޔަން ކުރުމަށް ކުރިމަތިލުމުގެ ފުރުސަތު މިއަދުން ފެށިގެން ހުޅުވާލާފައި ވާ ކަމަށެވެ.
މިދިޔަ ބުރާސްފަތި ދުވަހު އިލެކްޝަންސް ކޮމިޝަންގެ ނައިބް ރައީސް ކަމުގެ މަގާމުގައި ހުންނެވި އަކްރަމް ވަނީ މަގާމުން އިސްތިއުފާ ދެއްވާފައެވެ.
