ހުވަދު އަތޮޅުގެ 6 ރަށެއްގައި ރިސޯޓު ތަރައްގީ ކުރަން ބިޑަށް ލައިފިއެވެ.
ޓުއަރިޒަމް މިނިސްޓްރީން ކޮށްފައިވާ އިއުލާނުގައި މުޅި ރާއްޖެއިން ޖުމްލަ 16 ރަށެއް ބިޑަށް ހުޅުވާލާފައި ވެއެވެ. އޭގެ ތެރޭގައި ހުވަދު އަތޮޅުގެ 5 ރަށެއް ހިމެނެއެވެ.
ރިސޯޓު ތަރައްގީކުރަން ހުވަދު އަތޮޅުން ބިޑަށް ލާފައިވާ ރަށްތައް:
- ގއ. މާރެހާ
- ގއ. ފުނަދޫވިލިގިއްލާ
- ގދ. ކަނޑަހަލަގަލާ
- ގދ. ކަނޑެވާރެހާ (ދިގުރެހާ އެކު)
- ގދ. ފެރޭތަވިލިގިއްލާ (ދެކާނބާ, ކޮޑެރަޓާއި އިތުރު ރަށަކާއެކު)
އެ މިނިސްޓްރީގެ އިއުލާނުގައި ބުނެފައިވަނީ އެ ރަށްރަށުގައި ރިސޯޓު ތަރައްގީ ކުރުމަށް ޝައުގުވެރިވާ ފަރާތްތަކުން 29 އޭޕްރިލް 2021 ވާ ބުރާސްފަތި ދުވަހުގެ 10:00 ގައި ވަރޗުއަލްކޮށް (ޒޫމް މެދުވެރިކޮށް) ބާއްވާ މަޢުލޫމާތު ސާފުކުރުމުގެ ބައްދަލުވުމުގައި ބައިވެރިވެ، 10 ޖޫން 2021 ވާ ބުރާސްފަތި ދުވަހު 10:00 އަށް އެ މިނިސްޓްރީއަށް ހާޟިރުވެ ބީލަން ހުށަހެޅުއްވުމުގެ ފުރުސަތު ހުޅުވާލާފައިވާ ކަމަށެވެ.
އަދި މަޢުލޫމާތު ސާފުކުރުމުގެ ބައްދަލުވުމުގައި ބައިވެރިވުމަށްޓަކައި 28 އޭޕްރިލް 2021 ވާ ބުދަ ދުވަހުގެ 12:00 ގެ ކުރިން މިނިސްޓްރީގެ އީމެއިލް [email protected] އަށް މަޢުލޫމާތު ސާފުކުރުމުގެ ބައްދަލުވުމުގައި ބައިވެރިވުމަށް އެދި ނަމާއި، އީމެއިލް އެޑްރެސް، އަދި ފޯން ނަންބަރު އީމެއިލް ކުރެއްވުމަށްވެސް އެދިފައިވެއެވެ.
