ދުނިޔޭގައި ބާއްވާ އެންމެ ބޮޑު ޕަބްޖީ މުބާރާތުގެ ކޮލިފިކޭޝަން ބުރަށް ރާއްޖޭގެ 7 ޓީމު ކޮލިފައިވެއްޖެ

PMCO ގެ ނަމުގައި ދުނިޔޭގައި ބާއްވާ އެންމެ ބޮޑު ޕަބްޖީ މުބާރާތުގެ ކޮލިފިކޭޝަނަށް ރާއްޖޭގެ 7 ޓީމު ކޮލިފައިވެއްޖެއެވެ.

PMCO ގެ ސައުތް އޭޝިއާ ރީޖަނުގެ ކޮލިފިކޭޝަނަށް ދިވެހިރާއްޖެއިން ކޮލިފައިވި ޓީމްތަކަކީ:

• OPMF OPEX
• SDZ ESPORTS
• E2S TM7
• DENO
• 187ESPORTS
• SDMZ ESPORTS
• OPMF ESPORTS

27 ރީޖަނެއްގައި ކޮލިފިކޭޝަންގެ މި ބުރު ކުޅުމަށްފަހު ކޮލިފައިވާ ޓީމުތައް ވާދަކުރާނީ ޕަބްޖީ މޮބައިލް ގްލޯބަލް ޗެމްޕިއަންޝިޕްގައެވެ. މި މުބާރާތަށް ވަނީ 1،642،400 ޑޮލަރު ހުށަހަޅާފައެވެ.

PMCO ސްޕްރިންގް ސްޕްލިޓް 2021 ގެ ވޮޗް ޕާރޓީ އޮންނާނީ ކްލަބް 360 ގައެވެ. އަދި E2S ޕަބްޖީ ކޮމިއުނިޓީގެ  މެމްބަރުންނަށް %10 ޑިސްކައުންޓް ލިބިގެންދާނެއެވެ.

މި މުބާރާތުގެ މެޗުތަށް ފެށިގެންދާނީ މާދަމާއެވެ. އަދި 21 ފެބްރުއަރީގެ ނިޔަލަށް މެޗުތަށް ކުރިއަށްދާނެއެވެ.

މި މުބާރާތުގެ މެޗުތަށް ކުރިއަށްދާނީ ތިރީގައިވާ ތާވަލާ އެއްގޮތަށެވެ.