ޔަހޫދީން ޣައްޒާގެ އިތުރު މިސްކިތަކަށް ހަމަލާދީފި, އެކަކު ޝަހީދުވެ 11 މީހުން ޒަޚަމްވެއްޖެ
އައިޝަތު އިފާޝާ
4/16/2024, 10:00:00 AM
.
ޔަހޫދީ އިސްރާއީލުން ޣައްޒާގެ މިސްކިތަކަށް ދިން ހަމަލާއެއްގައި އެކަކު ޝަހީދުވެ 11 މީހުން ޒަޚަމްވެފައިވާ ކަމަށް ރިޕޯޓުތައް ބުނެފިއެވެ.
މި މިސްކިތަކީ ޣައްޒާއާ ދެކޮޅަށް ހަނގުރާމަ ފެށި ފަހުން އިސްރާއީލުން ހަލާކުކޮށްލާފައިވާ 600 މިސްކިތުގެ ތެރޭގައި ހިމެނޭ މިސްކިތެކެވެ.
މި ހަމަލާއާ އެކު ފަލަސްތީނުގެ އެތައް ސަތޭކަ ބަޔަކު ހިމާޔަތް ހޯދަމުން އަންނަ ބެއިޓް ހަނޫންގެ އަލް ޝަވާ ސްކޫލް ވަށާލަމުން އިސްރާއީލު ސިފައިން ދަނީ ހަރަކާތްތެރިވަމުންނެވެ. އިސްރާއީލު ސިފައިން ދަނީ މައިކްރޯފޯން ބޭނުންކޮށްގެން މީހުން ހުސްކުރުމަށް އަމުރު ކުރަމުންނެވެ.
ޔަހޫދީ އިސްރާއީލުން ފަލަސްތީނުގެ ޣައްޒާއަށް ދެމުންގެންދާ ހަމަލާތަކުގައި މިހާތަނަށް 33,000 އަށްވުރެ ގިނަ މީހުން ޝަހީދުވެފައިވާއިރު ލައްކައެއްހާ މީހުން ޒަޚަމްވެފައިވެއެވެ.