ކުރީގެ މެންބަރު މުސްތަފާއަށް މިލިއަނަކަށް ވުރެ ރުފިޔާ ގިނަ ދައްކަން އަކްރަމް ކަމާލުއްދީންގެ މައްޗަށް ޙުކުމްކޮށްފި

އަކްރަމްގެ މައްޗަށް މި ޙުކުމްކޮށްފައިވަނީ، އަކްރަމް މުސްތަފާގެ އަތުން ފައިސާނެގުމަށްފަހު، އެ ފައިސާ އަނބުރާ ދެއްކުމަށް ދިން ޗެކުތަކަށް ފައިސާ ލިބިފައިނުވާތީކަމަށް ބުނެ، މުސްތަފާ އެ ކޯޓަށް ހުށަހެޅި މައްސަލައަކާ ގުޅިގެންނެވެ. އެ މައްސަލައިގައި މުސްތަފާގެ ފަރާތުން ބުނި ގޮތުގައި އަކްރަމް އޭނާގެ އަތުން ނަގާފައިވަނީ 400،000 ރުފިޔާ އަދި 50،000 ޔޫއެސް ޑޮލަރެވެ. އެހެން ނަމަވެސް އެ ފައިސާތައް އަނބުރާ ލިބިފައިނުވާތީ، ބަދަލުގެ ގޮތުގައި ޖުމްލަ 1.8 މިލިއަން ރުފިޔާ އަކްރަމްގެ އަތުން ނަގައިދިނުމަށް މުސްތަފާ ކޯޓުގައި އެދިފައިވެއެވެ.